Lab 66 (Closed)

Item: Lab 66
Rating: 4
Author: Miss dorizzz

3.5

213 Reviews

Taste

Decor

Service

Hygiene

Value

4779

Mong Kok

$101-200

International

176

Miss dorizzz

Level4

166

成日經過旺角見到呢間餐廳都畀佢神秘嘅外型吸引, 終於呢日同朋友一齊嚟食晚餐 , 原來呢間餐廳主打fusion菜，款式都crossover得幾特別。佢外面嘅霓虹光管已經好吸睛, 入面嗰種裝澴同擺設格外與眾不同，特別喜歡古色古香的鐵窗框及磁磚。原來店鋪有兩層，我哋六點半去到比較少人，所以可以上到上面坐，好嘢！佢個食物menu雖然只得一版，但就已經有齊沙律，頭盤，小食，主食，選擇都唔少，而且大多都適合我嘅口味。水牛單骨雞翼$68, 水牛雞翼酸酸辣辣好開胃，伴碟仲有青瓜及酸忌廉醬畀你點，基本上水牛雞翼酸辣汁已經好夠好濃味，個酸忌廉醬係畀你愛嚟點青瓜食嘅( 個人認為 XD)叫咗個小食, 鑊仔廣島蠔餅$78。好明顯呢個係fusion潮州蠔餅,但演變成為日式做法。一般潮州蠔餅係用油炸，呢度嘅蠔餅有煎過同焗過。比較香脆啲同唔似潮州蠔餅用油炸過油壓味咁重。裏面啲廣島蠔仔雖然細細隻但都算新鮮，而且佢仲有好多洋蔥粒，咬落去唔止外面脆脆地，裏面洋蔥粒仲索索聲，蠔餅搞小小新意，唔同啲冇咁悶。主食叫咗原條芝士鰻魚鐵鍋飯$148, 真心呢個係超抵食精選。鐵鍋飯份量十足，

Read full review

成日經過旺角見到呢間餐廳都畀佢神秘嘅外型吸引, 終於呢日同朋友一齊嚟食晚餐 , 原來呢間餐廳主打fusion菜，款式都crossover得幾特別。

佢外面嘅霓虹光管已經好吸睛, 入面嗰種裝澴同擺設格外與眾不同，特別喜歡古色古香的鐵窗框及磁磚。原來店鋪有兩層，我哋六點半去到比較少人，所以可以上到上面坐，好嘢！佢個食物menu雖然只得一版，但就已經有齊沙律，頭盤，小食，主食，選擇都唔少，而且大多都適合我嘅口味。

水牛單骨雞翼$68, 水牛雞翼酸酸辣辣好開胃，伴碟仲有青瓜及酸忌廉醬畀你點，基本上水牛雞翼酸辣汁已經好夠好濃味，個酸忌廉醬係畀你愛嚟點青瓜食嘅( 個人認為 XD)

叫咗個小食, 鑊仔廣島蠔餅$78。好明顯呢個係fusion潮州蠔餅,但演變成為日式做法。一般潮州蠔餅係用油炸，呢度嘅蠔餅有煎過同焗過。比較香脆啲同唔似潮州蠔餅用油炸過油壓味咁重。裏面啲廣島蠔仔雖然細細隻但都算新鮮，而且佢仲有好多洋蔥粒，咬落去唔止外面脆脆地，裏面洋蔥粒仲索索聲，蠔餅搞小小新意，唔同啲冇咁悶。

17 views

0 likes

0 comments

主食叫咗原條芝士鰻魚鐵鍋飯$148, 真心呢個係超抵食精選。鐵鍋飯份量十足，除咗個鐵鍋好大，份量多夠三四個人share 之外，佢啲芝士同鰻魚都好多。芝士濃濃的擺上枱香噴噴，兩大塊厚身鰻魚鋪滿曬成個鐵鍋飯，用匙羹兜起芝連綿不斷, 飯裏面除咗充滿芝士之外仲有好多姑仔同洋蔥，呢個飯係重口味，但真係好只料同口感豐富。

飲品方面因為要中和返呢一餐咁濃味同咁多肉嘅食物，所以我點咗杯鮮榨果汁-Red. 呢個鮮榨果汁全部都係用紅色嘅蔬果打出嚟嘅, 包括有蘋果,士多啤梨,橙,桃同紅蔥頭，味道酸酸甜甜咁，但食完濃味嘅嘢飲一啖果汁，又的確係清新嘅。佢除咗健康之外，仲要係冇加冰，飲落去仲有少少嘅生果纖維，女仔唔飲得凍嘢，又想健康啲唔怕肥，呢個確實係好選擇。