首首.韓式小館 (Closed)

約咗姊妹們食晚餐，為咗就美女收工方便，約咗喺囍帖街，即係利原西街食好西。成條街環境氣氛非常浪漫，尤其呢間Bistro Seoul 裝修高雅，氣氛一流。依家餐廳sell嘅係新派韓菜，佢以韓國菜式嘅食材作為基本元素，配以創新fusion 概念。食韓國嘢當然一定要叫韓式炸雞塊，呢個韓式炸雞塊嘅雞肉一啲都唔鞋，味道都相當之野味。泡菜海鮮煎餅，材料都好豐富喎！燒牛肉沙律🥗燒牛肉燒得非常之香口，所配嘅沙律菜都相當之新鮮美味，最特別係有好多韓國正宗食店先有嘅紫蘇葉，用嚟包住吼牛肉食，一流！如果可以多幾塊葉就更加好，因為牛肉分量相當之多。辣雞肉石頭鍋飯，佢嘅醬汁另上，可以自己調校辣度餐廳除咗環境氣氛靚之外，食物質素味道同賣相都在高位，而且價錢合理，絕對係姊妹們聚會嘅好地方。