Mad for Garlic (Closed)

從來無諗過蒜頭會成為一間餐廳既主角，Mad for Garlic 呢間餐廳就以呢個為賣點，餐牌上每道餸都加入蒜頭烹調，喜歡濃味香口既你不仿一試！今次我同朋友仔一共四個人叫左五樣野，每碟既份量都算多，食都好飽😈！呢個蒜蓉包好惹味香口，面頭既粒粒蒜頭係精華值得一試！香蝦芝士蒜片脆pizza 推介！薄脆底唔會太飽濟，原粒蒜頭好香甜，仲以為食緊菠蘿粒！加埋蒜片芝士新鮮大蝦！一個字正！香蒜蟹肉忌廉汁意粉，味道濃郁！好creamy ！吃得太多殿粉質，食返d肉先夠滿足！呢個牛肉生熟程度適中，配個蒜蓉作調味既醬好濃郁好好味！ 蛋牛鐵板蒜粒飯，呢個驚喜相對一般，味道不錯也十分惹味！另外我地各人叫左香橙特飲、西柚特飲、檸檬特飲，都可以一試！唔太甜有汽梳打配濃味食物好夾！ 總結，好重口味又好味既一餐！食完大家都返去刷多幾次牙食多幾粒香口糖黎辟garlic味😂提提大家佢有限時，入座起計1.5 小時。