紐約客 (Closed)

New York 之前跟同事在荃灣試過也不錯，店內裝潢幾吸引，而食物也有水準。最近在銅鑼灣開張，而且一落巴士行幾步就到，超方便。有寬敞卡位，更有落地玻璃望遠景。也有高檯座位可以自成一角，美國塗鴉壁畫好吸晴。派對水果冰茶 $48這裡主食多數也有配菜薯條，所以我點了冰果茶來解渴，大大杯1個人飲或者2個人也可。紅茶清而不澀，帶少少青檸、檸檬清新味，內裡更有大粒甜藍莓、甜菠蘿等等，不錯不錯。陽光下生長的朱古力 $37朋友想要杯熱飲，就選擇了熱朱古力，名字、賣相也相當一流，泥土即是朱古力餅碎，下面是忌廉及朱古力，朱古力甜而不膩，質感幾滑，怕甜的朋友也覺得不俗。黑松露雜菌扁意粉 $93每條扁意粉也掛到黑松露醬汁味道，不會太鹹，雜菌夠爽口，份量也頗多。脆煎大鴨腿配芒果沙沙 $158店員介紹以慢煮方式烹調，上檯香噴噴。不過外皮沒有脆身的質感，有點美中不足。切開鴨肉好鬆化，既入味又腍身，啖啖肉好惹味，但是芒果沙沙份量較少。