薯仔屋 (Closed)

係我大駕光臨薯仔屋的哩一日 門口的小店長s 倉鼠仔呀肥 同埋 小鸚鵡藍藍 都好俾面地出曬尼歡迎我🤣 呀肥可能俾藍藍嘈醒左 但佢半夢半醒的神態仲反而更加可愛😆😆一入門口除左小店長之外 其實仲有一部二人大遊戲機 同埋一張超大的足球機！ 鐘意玩團體足球機的朋友仔真係唔可以錯過 因為香港真係無咩地方可以有哩個設備俾大家玩 所以一睇到我都覺得非常印象深刻～好返返正題啦 除左環境舒適之外 佢地食物都係別出心裁的 睇菜單上的菜式及飲品命名就可以知道了而我地果日就叫左個抵食d的二人餐 有兩杯野飲 一個沙津 蒜蓉包 一個意粉 同埋重點佢地得獎的ribs+薯條 超級豐富呀 食完捧住個肚走 仲要個得獎ribs真係名不虛傳 好軟好味道 最後仲有精美甜品作結　好滿足^^