Video
Read full review
2016-07-12
390 views
但要走總要飛，自己飛完又飛，不知幾耐冇喺星期日同爸媽出去食晏。佢哋突然話好耐冇食過德國豬手，但舊年去完德國後，見識過德國係幾咁冇啖好食，心諗仲要喺香港食？唉不過算啦，咁耐冇同佢哋食過野... 好在呢度仲有其他歐洲菜色，否則我都唔知食乜好囉真係.... 紅磚牆、圓拱形嘅窗，好有歐洲風味喎，坐窗邊涼大冷氣，睇住駱克道嘅人來人往.....傳統德國麵包拼盤配芝士碟 ($68)店員介紹話要試試佢哋每日自製嘅麵包，原來係用德國嘅小麥粉、麵粉，跟足晒傳統配方造嘅；有麥包、德國小圓包及pretzel；爸爸食pretzel嗰陣話非常鹹，鹹到苦喎，但我哋又唔覺係喎，原來佢食埋Pretzel上面嘅粗鹽！咁撥走啲鹽，再加少少cream cheese及瑞士Camembert芝士一齊食，咪一啲都唔鹹囉哈哈傳統匈牙利熱燉牛肉湯 ($58)好似係一碗平平無奇嘅羅宋湯，但原來幾足料㗎喎，番茄蓉令到成個湯都好濃稠；牛肉粒腍身，原來係用咗歐洲小牛面最嫩滑嘅肉嚟煮㗎，怪不得咁香甜啦，好好味呀！！！！海鮮番茄清湯 ($68)食西餐比較少飲清湯，而且媽咪叫咗個熱燉牛肉湯，所以都想試吓其他野；以為成個湯都會係紅色，但原來係清湯加蝦
傳統德國麵包拼盤配芝士碟 ($68)店員介紹話要試試佢哋每日自製嘅麵包，原來係用德國嘅小麥粉、麵粉，跟足晒傳統配方造嘅；有麥包、德國小圓包及pretzel；爸爸食pretzel嗰陣話非常鹹，鹹到苦喎，但我哋又唔覺係喎，原來佢食埋Pretzel上面嘅粗鹽！咁撥走啲鹽，再加少少cream cheese及瑞士Camembert芝士一齊食，咪一啲都唔鹹囉哈哈
傳統德國麵包拼盤配芝士碟
$68
17 views
0 likes
0 comments
好似係一碗平平無奇嘅羅宋湯，但原來幾足料㗎喎，番茄蓉令到成個湯都好濃稠；牛肉粒腍身，原來係用咗歐洲小牛面最嫩滑嘅肉嚟煮㗎，怪不得咁香甜啦，好好味呀！！！！
傳統匈牙利熱燉牛肉湯, 海鮮番茄清湯
10 views
0 likes
0 comments
傳統匈牙利熱燉牛肉湯
$58
10 views
0 likes
0 comments
食西餐比較少飲清湯，而且媽咪叫咗個熱燉牛肉湯，所以都想試吓其他野；以為成個湯都會係紅色，但原來係清湯加蝦肉、帶子、西芹、蘿蔔及幾片番茄，味道就真係幾清淡，OK嘅都
招牌脆皮燒德國咸豬肘配酸椰菜烤燒薯角 ($198)
一直都唔係好鍾意食，因為好耐之前試過一隻外皮又乾又似香口膠嘅豬手，所以非常抗拒。但呢隻豬手嘅外皮又香又脆，色澤金黃，燒得啱啱好，聞到啲香味都已經流晒口水；我哋影完原隻豬手之後，店員就攞返佢入去切件；到我自己細細舊咁切落去嘅時候，仲有啲好似薯片咁清脆嘅聲音，粉色嘅肉質亦都好嫩滑juicy，完全唔乾身，仲有濃郁嘅肉味，就算唔點汁都非常好味；配搭酸椰菜一齊食，就唔會覺得太油膩喇；爸爸平時食野都幾奄尖，佢都話呢隻豬手真係無得頂呢！
招牌脆皮燒德國咸豬肘配酸椰菜烤燒薯角
$198
10 views
0 likes
0 comments
招牌脆皮燒德國咸豬肘配酸椰菜烤燒薯角
$198
11 views
0 likes
0 comments
招牌脆皮燒德國咸豬肘配酸椰菜烤燒薯角
$198
9 views
0 likes
0 comments
招牌脆皮燒德國咸豬肘配酸椰菜烤燒薯角
$198
7 views
0 likes
0 comments
以為會好膩，但番茄汁酸酸哋，所以唔係好覺膩喎！媽咪食嗰陣話，哇咁似鯪魚肉嘅？！最鍾意食鯪魚肉嘅佢，覺得呢個味道似係雲吞皮包鯪魚肉多個豬肉，好味到冇停口喎！
德國香草豬肉雲吞伴番茄汁，杏仁牛油
$138
3 views
0 likes
0 comments
一向都怕食risotto，因為正宗嘅實在會食到胃痛，但呢個係偏向港式，唔會硬到咬唔到，所以啱晒我；雖然石斑煎得香口，但肉質普通
烤石斑柳藏紅花意大利飯配拿破崙汁
$98
9 views
0 likes
0 comments
西柚+橙+薄荷，不過有啲提子味嘅？新鮮生果味道鮮甜，感覺清新有活力，呢排熱到人都溶，飲返杯mocktail的確會涼快啲！
Ultimate mint field
$58
8 views
0 likes
0 comments
Post
