我想和你無所事事 (沙田中心) (Closed)

今日晏晝食到好飽，決定夜晚嗰餐skip咗佢唔食lu，但為咗fulfill吓個口欲，就去咗搵杯嘢飲爽吓。 平時好少會叫芝士奶蓋，主要係因為食得飯通常都飲唔落咁滯既嘢飲，今日就係最好機會試一試佢。 每款茶飲都有幾隻生果揀，揀咗GG芝士奶蓋系列，配既係新鮮菠蘿，賣相好靚，有四層唔同色，飲之前搖番勻，生果既味啱啱好cover番芝士既濃味，所以入口落肚都唔會話好滯。 另一杯叫埋提子梳打配愛玉，係好清新既生果香同甜味，天氣熱熱地飲落好舒暢，配料愛玉份量超多飲極都有好滿足。