OCEAN THREE (Closed)

上朋友家開party, 訂左Ocean Three 生蠔及其他海鮮。朋友之前訂過佢地嘅海膽，覺得好好食，但今次就可以話係難食⋯⋯不過anyway, 主角係生蠔！ 我地順路喺附近壽司店買左幾隻美國珍寶蠔，真係手掌咁大隻，可惜食落有口感，但真係冇乜味⋯⋯只有過癮。（店幫你開埋，雖然方便⋯⋯但拎到返去冇晒蠔水⋯⋯自己開的話千祈唔好倒左／沖走D蠔水啊!!! 如果開到有殼碎，小心撥走就得。）而喺Ocean Three 訂左一人一隻Fleur des eaux 同Gillardeau No.0。前者不錯，但印象唔深；但後者，首先夠大隻啦（網上介紹No.愈細即係愈大，No.0即係最大～但都冇珍寶蠔咁大隻），然後，入口係好咸嘅海水味，但咬開，即刻湧出鮮甜味，加上佢爽脆嘅口感，真係久久不能忘懷！不過，Ocean Three唔包開蠔，但Gillardeau個蠔形係好似船仔咁，比一般生蠔難開，都要D功夫、耐性，同力量⋯⋯由於太鮮味，唔需要落檸檬或生蠔醬。