煙燻玉子燒 (Closed)

玉子燒一直係我的最愛，知道荃灣有間專賣玉子燒0既食店，點可以唔試下。有多款玉子燒，有咸有甜，好難揀。最後見到黑板寫住芝士黑松露玉子燒係期間限定，一於就揀佢。店員服務態度好好，落order後等左十分鐘先有，係耐左少少，不過勝在即叫即做。店員話要再等多三分鐘，等D煙燻味再焗一焗。一打開個盒，煙燻味好強勁，切開佢，芝士流出0黎，又聞到黑松露香，好吸引。因為即叫即做0既關係，食落去熱辣辣，不過黑松露味唔太突出，玉子加左芝士之後都仍然食到甜味，個人覺得太甜，如果蛋漿可以無咁甜會更好。煙燻都係gimmick, 食落唔係好覺有整體0黎講，份量較少，亦唔算好有驚喜。