The French Window (Closed)

終於約齊好耐冇見既姊妹聚一聚，成年冇見，大家各有各忙，為籌備婚禮，為工作拼搏，不過，朋友係要見既，所以終於一個月前約左今日聚一聚，大家tea 一tea 呢間餐廳門口環境好high class, 樓底好高，通道好闊，痴住國金軒，入到去好光猛，裝潢精緻，景觀開揚，望到摩天輪，實在太肚餓而友人又想食d 咸點，所以只order 左個二人tea 再另加黑松露薯條同scones....一黎到賣相唔錯，係個櫃桶黎，拉出黎變兩層，食物份量唔算好多亦唔算名貴，不過不失啦，甜點好普通，冇精緻既蛋糕，相反係一d 好普通好普通既傳統舊式甜品，有d 失望反而個薯條好脆好香口，正呀，個scones 就細細粒又唔夠暖，而且好乾，麻麻地啦....最尾都係食淨左幾件，不過醉翁之意不在酒，能夠相聚一齊傾下偈交代近況已經好happy, 埋單每人唔駛二百五，抵既，環境一流服務都好好，不過下次要黎就只會試下lunch/dinner 喇