Video
Read full review
2010-03-04
131 views
少寫「包評」, 更無寫連鎖「包評」「餅評」谷「名次」的習慣, 不過都幾喜歡食麵包的, IFC city'super 麵包部更一星期幫襯三四次, 分享一下 so far 試過的幾款吧:Milk cream snail ($16): 又名「北海道牛奶卷」, 麵包呈 snail 殼狀, "just baked" 時買熱得燙手, 食落外帶少少鬆脆, 中間就極軟鬆, 少少甜, 帶勁香的 cream, 牛奶及牛油味, 香到你唔信! 呢個係我最喜愛的一款包, 極力推介 Brown rice muffin 玄米鬆餅 ($12): 「鬆餅」其實係 English muffin, 面較乾身又幾多「粉」, "just baked" 時食落帶點鬆脆; 中間密度幾高, 食落煙煙韌韌, 帶濃烈的玄米香, 好食. 呢個感覺較 light, 但其實幾飽肚, 大家買的話要留意.Brioche Sucre ($13): 即牛油砂糖圓形穿窿包 麵包一樣帶濃烈牛奶味及蛋香, 非 "just baked" 的話我覺得佢乾身得滯 ("just baked" 就當然另一回事);「窿」入面勁多牛油「瓊」喺度, 砂糖份量我
Milk cream snail ($16): 又名「北海道牛奶卷」, 麵包呈 snail 殼狀, "just baked" 時買熱得燙手, 食落外帶少少鬆脆, 中間就極軟鬆, 少少甜, 帶勁香的 cream, 牛奶及牛油味, 香到你唔信! 呢個係我最喜愛的一款包, 極力推介
Brown rice muffin 玄米鬆餅 ($12): 「鬆餅」其實係 English muffin, 面較乾身又幾多「粉」, "just baked" 時食落帶點鬆脆; 中間密度幾高, 食落煙煙韌韌, 帶濃烈的玄米香, 好食. 呢個感覺較 light, 但其實幾飽肚, 大家買的話要留意.
Brioche Sucre ($13): 即牛油砂糖圓形穿窿包 麵包一樣帶濃烈牛奶味及蛋香, 非 "just baked" 的話我覺得佢乾身得滯 ("just baked" 就當然另一回事);「窿」入面勁多牛油「瓊」喺度, 砂糖份量我就覺得唔太夠 (不過如何你唔係甜魔, 可能呢個會啱你), 不過整體都幾好食.
American cinnamon roll ($16): 即肉桂版 milk cream snail, 不過其實 cinnamon 味都唔算好濃, 啱晒我 唔知是否 glaze 過的關係, 麵包鬆軟度比起 milk cream snail 略有不及, 亦較甜及黐笠笠, 還是「無 cinnamon 版」好.
Peach danish ($15): 好少買到 "just baked" 的, danish 攤凍後濕韌了不少, 不過都幾夠牛油香; peach 係罐頭貨, custard 醬就太甜, 呢款我麻麻...
Sunrise Bread ($13): 即面頭有一層脆皮糖霜的北海道牛奶包, 又名「疑似菠蘿包」 麵包部分奶香一般, 質地尚算鬆軟, 不過當然唔及 milk cream snail 脆皮就好脆, 甜度高, 但食完無「乸」喉的感覺, 幾討好.
Milk Cream Hearth Roll ($12) 又係好少買到 "just baked", 不過凍咗都幾好食: 麵包係軟法包, 食落雖然幾韌, 但帶淡淡奶香麵粉香; 中間的 milk cream 醬呈軟膏 / pâté / terrine (!!) 狀, 質地其實有 d 核突, 食落就夠奶香又好甜, 味道亦令人諗起牛奶味 Pocky 百力茲的牛奶醬, 唔算好喜歡.
Frankfurter Tortilla ($19) 係唯一試過的鹹食: 買時係 just baked, 又的確熱辣辣, tortilla 乾身帶點脆, 中間的法蘭克福腸味道帶點甜, 不過腸衣太厚太韌了; 仲有蕃茄醬, 肉眼睇得到, 食落卻無乜茄味, 麻麻哋喜歡.
會繼續買甜包食的.
Post
