野田珈琲生豆專門店 + 焙煎

Open Now

Now Closed

返工日子好需要一個小break透下氣, 同同事去咗公司附近呢間新開coffee shop, 呢度有大量來自唔同產地嘅Coffee bean出售, 每款亦有詳盡產地說明。亦有一個小角落座位給予即場享用coffee同埋甜點。正等待店員沖調coffee時, 隔住口罩都已經聞到好香咖啡味。同事偏向喜歡較濃、重口味嘅coffee, 揀咗杯【Dirty】HK$38以凍鮮奶做底, 再加入機打即沖咖啡, 暖暖的, 味道濃郁, 非常提神。而我平日唔太飲coffee, 但又好奇想試試新店之作, 【Affogato】HK$58以一杯濃郁熱coffee自行倒入超濃奶味嘅雪糕中, 雪糕慢慢溶化, 令成杯野有如奶昔般滑口感, 味道完全冇咗一般coffee嘅苦澀味, 食到果味嘅微酸, 連唔飲開coffee嘅我都會覺得下次可以encore!【黑森林蛋糕】HK$58蛋糕精緻鬆軟, 朱古力味濃郁唔會苦。面層同中層都加咗薄薄嘅cream, 食起上黎唔覺寡。【Apple Turnover】HK$28超有驚喜, 切開時酥皮脆得有聲; 酥皮鬆化, 入面有少少微微酸甜。