Video
Read full review
2018-02-27
34 views
相約好久不見嘅朋友於九龍灣，無奈要趕返工，揀左呢間位於MCL戲院內，新開嘅漢堡包店，利用短短嘅時間聚一聚舊。簡單嘅快餐店裝修，先入座，再自助點餐、取餐。即使係快餐店，服務員都非常細心，仔細講解每一樣食物。Gruber主打不同漢堡，漢堡扒嘅口味、醬汁、配料等等全部都可以自由選擇，款式都幾多。兩個女仔，各自都要左一個Single Menu($88)。配菜方面一個要沙律，一個要薯條。Burger用錫紙包裝，非常精美，亦達到外賣都可以保溫嘅效果。餡料方面我揀左Burger of The Month，唔太記得實際餡料，最印象深刻係店員話有黑松露同蛋黃醬，已經係個人最愛。額外加左兩款Toppings，Extra cheese($10)同蘑菇($8)。蔬菜新鮮不在話下，漢堡扒香口而且肉汁豐富，蘑菇亦都非常juicy。朋友嘅係墨西哥辣椒漢堡Jalapeno，亦同樣加左蘑菇同extra cheese。兩個漢堡賣相十分相似，唔同嘅係Jalapeno香辣惹味，亦都好開胃。Sexy招牌薯條，同一般嘅薯條好唔同，似厚版嘅脆薯片，香脆可口。醬料自取，當然唔少得茄醬同芥末，亦有Tabasco同蛋黃醬。細沙律一啲都唔
簡單嘅快餐店裝修，先入座，再自助點餐、取餐。即使係快餐店，服務員都非常細心，仔細講解每一樣食物。
Gruber主打不同漢堡，漢堡扒嘅口味、醬汁、配料等等全部都可以自由選擇，款式都幾多。
兩個女仔，各自都要左一個Single Menu($88)。配菜方面一個要沙律，一個要薯條。
Burger用錫紙包裝，非常精美，亦達到外賣都可以保溫嘅效果。餡料方面我揀左Burger of The Month，唔太記得實際餡料，最印象深刻係店員話有黑松露同蛋黃醬，已經係個人最愛。額外加左兩款Toppings，Extra cheese($10)同蘑菇($8)。蔬菜新鮮不在話下，漢堡扒香口而且肉汁豐富，蘑菇亦都非常juicy。
朋友嘅係墨西哥辣椒漢堡Jalapeno，亦同樣加左蘑菇同extra cheese。兩個漢堡賣相十分相似，唔同嘅係Jalapeno香辣惹味，亦都好開胃。
Sexy招牌薯條，同一般嘅薯條好唔同，似厚版嘅脆薯片，香脆可口。醬料自取，當然唔少得茄醬同芥末，亦有Tabasco同蛋黃醬。
細沙律一啲都唔細份，另外附上芝麻醬同脆脆，新鮮又香口。
Post
