Godiva Chocolatier (崇光百貨) (Closed)

一直以為呢間野好好食，食過幾次之後，真心覺得只係品牌效應，味道好一般！唔通係西式口味所以唔啱我？因為日本royxx 啲貴價朱古力我都覺得唔錯！早前買咗一盒黃色包裝朱古力，大概三百幾蚊，唔算平，算係貴價嘢，不過味道真係好一般，包裝正常，叫做由佢哋牌子喺上面咁囉。味道來講，好死實，朱古力唔算細滑，有朱古力味，不過死甜為主，一盒有好多隻口味，好可惜，每隻口味都唔出色。尤其是白朱古力，完完全全係死甜，完全冇白朱古力應有嘅香味，奶香之類。一盒朱古力咁貴，好可惜，食之無味，棄之可惜，揼咗佢又覺得浪費咗幾百蚊，真係去超級市場買啲幾蚊雞嘅仲好。