Limited (Closed)

一早約哥哥10點出土瓜灣食早餐，傾下計，真心早左，人地鋪頭都未開得切我就到左，不過都唔洗等好耐。作為當日第一個客人，我都影返幾張相，雖然係星期六，但都係有早餐食，而且重係cafe既門面，街坊既價錢😊我同哥哥都揀左煙肉炒蛋多士，蛋炒得夠滑，煙肉都唔少，但如果可以再切碎d、溝得勻d就重好，而塊多士係小小軟身既法包片，啱晒同炒蛋一齊食。啡就試左凍美式，好香，帶少少果香。因為傾計，坐耐左，所以我另外再叫左杯cappuccino，而且都有得轉oat milk，唔錯！