Dreamer Cafe (Closed)

原本去到西環就係想搵一間好嘅Cafe坐低做嘢，點知周圍嘅Cafe大多數都冇晒位，最後就嚟到山道嘅呢一間小咖啡店 The Dreamer Cafe.🙈呢間Cafe比較特別嘅地方就係佢望落開放啲啲，比較多空間感。而且裏面嘅人大多數都係坐喺度靜靜地做自己嘢，唔會話太過嘈，同一時間亦都會有雜誌啊，報紙啊，或者一啲桌遊俾大家玩。個店主自己都比較好人，間唔中就會過嚟一齊傾吓計，討論下年青人嘅煩惱，或者嘗試去了解下我哋嘅情況。杯咖啡自己都幾好飲㗎，如果唔知有啲咩好飲嘅話店主都會做返推介嘅。佢哋嘅嘢食，例如全日早餐都唔錯架可以試吓。有興趣就同朋友一齊去啦，佢哋都有免費嘅無線網絡可以俾你用㗎