築間幸福鍋物

朋友個碟牛肉拎出嚟好肥， 問服務員有冇得換。服務員都ok 仲主動喺拎下一碟之前出嚟拎咗兩小片出嚟畀佢睇過先至 再出。 呢度所有服務員都係講國語嘅 好似淨係得一個係講廣東話。 所以都要用 半桶水 嘅國語同人溝通 我好懷疑 自己嘅發音 不過明就ok啦😆 我朋友仔佢哋嗌牛我就食豬。佢哋就覺得啲牛肉麻麻，豬就覺得ok。 其實 兩個價錢 細分同大份 我哋 冇乜 概念，所以見爭幾十蚊大家就一至揀咗大嘅size。 其實太多肉飽得滯， 而且本身佢蔬菜同埋丸類都係無限添加嘅。其實好飽下次可以考慮嗌份細嘅肉。 套餐本身仲包咗一份飲品同一個甜品。 我其實最開心係食到白玉苦瓜 好有驚喜。 打邊爐食苦瓜原來好好味 另外佢有個柚子 醬汁同啲肉類好夾 有少少酸味中和咗啲肉嘅肥膩而家做緊openrice投票會仲送多一 小份 食物 ，海鮮 好似有蜆同埋鱸魚肉 ，仲有羊肉。 七選一。我哋每個人落樓差唔多 420蚊。呢個價錢 其實選擇好多 不過呢度坐得都幾舒服 人又唔係太多。