名捌月 (Closed)

朋友話想試，即使見到個名轉左，唔緊要啦，都試一試。 其實初頭見到外面餐牌價錢都幾離地（$498二人餐）～ 因為周圍既西餐都冇咁貴，但朋友想試，咁就試下啦，但試個套餐。我地叫左$168套餐A既霜降牛排配牛脷，有餐湯餐飲。而且佢話送埋出面簡簡單單既沙律甜品bar。我覺得質素係唔錯，有mussels and 煙三文魚，都幾鍾意食沙律既我都覺得okay。而忌廉湯，味道幾好，只係食到點點既麵粉小團。主菜呢，我覺得材料同side dish係一流既作品，牛排有跟據我地既要求medium rare,係juicy ~ 牛脷爽得黎好味。汁同salt既量適中。薯條都好食，冇好油既感覺！Side dish 旁邊既有似脆肉瓜+猜不到似紫薯+果肉波波好好味！呢個係surprisingly yummy and impressive. 不過食物既溫度確實有待改善，牛排同牛脷係好味，但溫度偏暖，感覺唔夠熱。湯都係偏暖。整體而言，我覺得味道質素係95分，係食物溫度扣分（可能係A- 扣到B-)。服務員哥哥好有禮貌，態度非常好，我咳，叫左檸水少冰係真少冰，變返B+。所以我真心覺得呢間絕對值得一試。