Video
Read full review
2022-12-19
162 views
好耐無去The One既Gram cafe & pancakes啦，今日經過當然要黎幫襯下。叫得Gram cafe & pancakes，呢度當然主打pancake，有鹹班戟同甜班戟揀，選擇好多。招牌梳乎厘班戟 $138 另加一之前次次黎都試唔到招牌梳乎厘班戟，今日終於有機會啦。招牌梳乎厘班戟每日3次限量發售，有出爐時間。招牌梳乎厘班戟一客三大件排得高一高，每件都有返一定厚度。最上面一pat熱溶牛油，伴有一大pat非常香滑嘅忌廉，同埋一小兜楓糖漿，最後灑上糖霜。班戟外皮有少少金黃色，入面就白雪雪，米味濃。口感方面，班戟真係幾鬆軟，不過又唔會太一陣風食完唔飽，都幾有口感。配忌廉食真係正。另外叫左件重口味少少嘅經典口味。石板街班戟 $118 另加一石板街班戟賣相好似成個蛋糕咁，由三塊啡色嘅班戟包住一層白色忌廉同一層吉士忌廉，層次分明。啡色嘅班戟味道鹹鹹哋，其實冇朱古力味。班戟似熱香餅，伴忌廉食完全唔乾。伴碟仲有朱古力碎片同朱古力醬，棉花糖，同少見既鳥結糖。上面加左一粒士多啤梨點綴，同埋三粒唔會有藥水味嘅去核車厘子。呢個班戟材料豐富，雖然無招牌梳乎厘班戟嘅鬆軟口感，不過味道口感豐富。兩個人分
招牌梳乎厘班戟 $138 另加一
之前次次黎都試唔到招牌梳乎厘班戟，今日終於有機會啦。招牌梳乎厘班戟每日3次限量發售，有出爐時間。招牌梳乎厘班戟一客三大件排得高一高，每件都有返一定厚度。最上面一pat熱溶牛油，伴有一大pat非常香滑嘅忌廉，同埋一小兜楓糖漿，最後灑上糖霜。班戟外皮有少少金黃色，入面就白雪雪，米味濃。口感方面，班戟真係幾鬆軟，不過又唔會太一陣風食完唔飽，都幾有口感。配忌廉食真係正。
另外叫左件重口味少少嘅經典口味。
石板街班戟 $118 另加一
石板街班戟賣相好似成個蛋糕咁，由三塊啡色嘅班戟包住一層白色忌廉同一層吉士忌廉，層次分明。啡色嘅班戟味道鹹鹹哋，其實冇朱古力味。班戟似熱香餅，伴忌廉食完全唔乾。伴碟仲有朱古力碎片同朱古力醬，棉花糖，同少見既鳥結糖。上面加左一粒士多啤梨點綴，同埋三粒唔會有藥水味嘅去核車厘子。呢個班戟材料豐富，雖然無招牌梳乎厘班戟嘅鬆軟口感，不過味道口感豐富。兩個人分都唔會膩。
總括而言，招牌梳乎厘班戟同經典班戟都各有特色。我見招牌梳乎厘班戟好多捧場客，可能係剛剛出爐。
Post
