Video
Read full review
2012-12-13
17 views
第1次寫食評! 多多包涵;)朋友幫我補祝生日...一行5人去左sogo附近既樓上餐廳.餐廳好易就搵到 地點都算方便 sogo行過去都唔駛5分鐘 再搭電梯到19樓.朋友講明Fine Dining, 確實令我有期待! 門口睇落唔錯: ) 入面環境 氣氛亦確實幾好(我去既時候係夜晚環境比較暗同有蠟燭所以情調幾好 都幾o岩情侶慶祝)不過唔記得影下個餐廳d環境...淨係掛住影之後d野食 haha其實係1個 4-course dinner: starter, soup, entree, 再加dessert, 包一杯飲品(coffee or tea or soft drinks)如果有興趣亦可以飲紅酒之類, 不過由於我唔好酒類所以朋友冇叫.前菜可以揀麵包配蕃茄salsa 或者 廚師精選頭盤. 我地另外仲點左煙三文魚凱撒沙律同芝士酥皮焗蟹肉.上: 煙三文魚凱撒沙律: 個樣好特別, 用左洋蔥圍住d菜 旁邊再放麵包同煙三文魚. 菜十分新鮮 不過個人就比較中意多d dressing 略嫌中間既菜唔夠dressing (dressing都o係外圍)..;D左下: 廚師精選頭盤: 左起龍蝦雲吞配龍蝦湯既汁, P
朋友幫我補祝生日...一行5人去左sogo附近既樓上餐廳.
餐廳好易就搵到 地點都算方便 sogo行過去都唔駛5分鐘 再搭電梯到19樓.
朋友講明Fine Dining, 確實令我有期待!
門口睇落唔錯: ) 入面環境 氣氛亦確實幾好
(我去既時候係夜晚環境比較暗同有蠟燭所以情調幾好 都幾o岩情侶慶祝)
不過唔記得影下個餐廳d環境...淨係掛住影之後d野食 haha
其實係1個 4-course dinner: starter, soup, entree, 再加dessert, 包一杯飲品(coffee or tea or soft drinks)
如果有興趣亦可以飲紅酒之類, 不過由於我唔好酒類所以朋友冇叫.
前菜可以揀麵包配蕃茄salsa 或者 廚師精選頭盤. 我地另外仲點左煙三文魚凱撒沙律同芝士酥皮焗蟹肉.
上: 煙三文魚凱撒沙律: 個樣好特別, 用左洋蔥圍住d菜 旁邊再放麵包同煙三文魚. 菜十分新鮮 不過個人就比較中意多d dressing 略嫌中間既菜唔夠dressing (dressing都o係外圍)..;D
左下: 廚師精選頭盤: 左起龍蝦雲吞配龍蝦湯既汁, Parma Ham, 同1個我唔記得左個名既魚 (sorry)
waitress有特別提醒我地食果陣要分次序, 首先係龍蝦雲吞, 再食魚, 最後係parma ham.
朋友們一致認為3樣之中魚最好味!
右下: 芝士酥皮焗蟹肉: 酥皮好脆 芝士同蟹肉配合亦唔錯 唔會互相蓋過d味
湯: 有黑松露忌廉湯同牛尾湯, 可以加$轉龍蝦湯
我試左黑松露忌廉湯 口感唔錯 唔會太稀 黑松露味道突出!
主菜總共有8款, 我地5個人share食所以揀左5款唔同既黎試主菜中朋友最愛都係魚, 味道 口感一流. 而我最愛蟹意大利飯, 配上黑松露之後既味道實在正!
不過食完d飯之後見到隻碟都有d油 如果可以少d油而唔影響味道就perfect啦
豬, 牛, 魚既side dish係薯蓉 佢d薯蓉都唔錯 口感幾好 因為d薯蓉入面有一片片薯仔切成既薯片.
d黑松露係放o係旁邊自己加 我覺得加左之後更好味!甜品有3款可以揀, 不過唔o係menu上面所以我估佢地會定時轉掛...
chocolate cake果個個名我又唔記得左(sorry) 佢唔係普通chocolate cake因為佢上果陣會比我地熱熔左既朱古力醬自己淋上去個cake度
個cake上面有塊朱古力 熔左之後中間會"lup"左落去
個cake比mousse cake硬而且中間(好似)有杏仁 食落仲有d酒味
Overall 真係唔錯. 其實我比較少食fine dining既餐廳
不過我覺得d野食幾好味 環境氣氛又唔錯 特別日子黎食都不失為1個好選擇
Other Info. :
1. 據聞朋友有Reserved, 不過因為唔係我book, 所以唔知平時駛唔駛book定枱.
2. 上菜既速度好好,每道菜相隔既時間恰到好處. 唔會太快未食完就上定下一道菜擺o係度 真係岩岩好
3. 因為我生日 所以朋友叫餐廳預備其中一份甜品creme brulee 既碟上寫上祝福字句和名字 仲有蠟燭吹.
(The above review is the personal opinion of a user which does not represent OpenRice's point of view.)
Post
