Video
Read full review
2019-08-18
22 views
今日同友人去咗吳彥祖開嘅酒吧。雖然唔係超級粉絲，但都慕名而來想睇下。酒吧係樓上鋪，係中環區酒吧開到成行成市之下要保持高客流量應該唔易。唔知係咪名人效應影響，酒吧都算滿座。因為九點前落單classic cocktail 買一送一。朋友點咗杯 Margarita. 杯邊有鹽同辣spice, 朋友話好有驚喜，之前飲Margarita都唔會有辣粉。自己唔想飲酒精濃度太重嘅酒，經waitress推薦下叫咗杯Aperol Spritz. 入面有芒果片、橙皮同rosemary. 酒味果然係唔太重，易入口，有少量果香。小食方面，之前有睇過坊間報導，男神推薦依款salted egg chicken crackling. 因為本人都好愛食咸蛋味小食，就毫不猶豫點咗依個。雞皮薄薄地，食落唔係好肥膩，鹹蛋味好濃郁，又脆又有油香。滿滿嘅咸蛋黃粉Unagi Avocado Roll ($78)外層係餐廳自己整嘅pancake皮。入面包住飛魚子、鰻魚同牛油果。值得一提嘅係飛魚子非常正，真係每一粒都脆卜卜，同出面食開嘅好唔一樣，非常新鮮。"Gyutan" Ox tongue 係串燒，同想像唔同，唔係厚切一粒粒嘅牛舌。
酒吧係樓上鋪，係中環區酒吧開到成行成市之下要保持高客流量應該唔易。唔知係咪名人效應影響，酒吧都算滿座。
因為九點前落單classic cocktail 買一送一。
朋友點咗杯 Margarita. 杯邊有鹽同辣spice, 朋友話好有驚喜，之前飲Margarita都唔會有辣粉。
自己唔想飲酒精濃度太重嘅酒，經waitress推薦下叫咗杯Aperol Spritz. 入面有芒果片、橙皮同rosemary. 酒味果然係唔太重，易入口，有少量果香。
小食方面，之前有睇過坊間報導，男神推薦依款salted egg chicken crackling. 因為本人都好愛食咸蛋味小食，就毫不猶豫點咗依個。雞皮薄薄地，食落唔係好肥膩，鹹蛋味好濃郁，又脆又有油香。
滿滿嘅咸蛋黃粉
Unagi Avocado Roll ($78)
外層係餐廳自己整嘅pancake皮。入面包住飛魚子、鰻魚同牛油果。值得一提嘅係飛魚子非常正，真係每一粒都脆卜卜，同出面食開嘅好唔一樣，非常新鮮。
"Gyutan" Ox tongue 係串燒，同想像唔同，唔係厚切一粒粒嘅牛舌。牛肉味濃，唔太硬。
French fries (black truffle & parmesan) $58有咁大盤真係好掋食。黑松露落得都多，點埋個honey mustard 醬好滋味。
依個old-fashioned bourbon burger幾特別，係受old-fashion cocktail 啟發，所以有少少cocktail味。整體嚟講唔太乾。
包面上嘅orange & cherry jam食落比較清新開胃。
非常之好食嘅foie gras and oyster in yakitori sake sauce ($88).
成舊擺落口好有層次，鵝肝肥膩juicy，oyster係有少少鹹味，食到最後有苜蓿嘅青草味。
朋友最後再點左一杯店員推介嘅green gimlet ($140).
果然係唔錯嘅推介，因為有lime同basil，飲落好清新。本身覺得有咁多basil成分可能會有草青味，但飲落唔反感。
Post
