Video
Read full review
2019-03-13
110 views
睇返紀錄原來我對上一次寫食評係2015年嘅事 我都好耐冇寫過 但係呢一間我想寫下之前生日多數都係食自助餐 貪佢多嘢食但其實quality麻麻 食咗咁多年都冇間覺得好好食 所以就轉食酒店扒房 扒房啲扒就質素真係好嘅 但個氣氛環境就拘謹啲囉 食得多都悶悶地同埋又要特登出城😂 今次係無意中發現呢間食西班牙菜嘅餐廳 同埋見咁多好評都想試吓 就打去book位食我家姐嘅生日飯 主廚話前幾日會send啲Menu俾我睇俾我揀 應該想早啲做好準備 一入到去成個裝修都好簡單好舒服 間餐廳唔算多位 比盡都係得20個位所以想食就book定枱 呢間餐廳無得散嗌 得4-course and 6-course揀 menu如下：其實個龍蝦我係想試嘅 但真係麻麻哋八爪魚 所以我哋五個人都揀咗4-course帶子.香醋佢個汁酸酸地 好開胃 食材新鮮 黑色粒粒甜甜地好味❤️雪蟹肉沙律.魚子醬蟹肉啖啖肉 正呀😍佢有魚子醬加埋淡淡花香味 食得好開心 因為唔使我剝殼36個月西班牙依比利火腿沙律我麻麻哋火腿 但呢一個OK 唔算好鹹個汁又好好味 啲菜都新鮮松露.黑菌.清湯我本身唔太鍾意飲清湯 同埋唔鍾意食菇 （黑松露除外😂）呢個完全中
之前生日多數都係食自助餐 貪佢多嘢食但其實quality麻麻 食咗咁多年都冇間覺得好好食 所以就轉食酒店扒房 扒房啲扒就質素真係好嘅 但個氣氛環境就拘謹啲囉 食得多都悶悶地同埋又要特登出城😂 今次係無意中發現呢間食西班牙菜嘅餐廳 同埋見咁多好評都想試吓 就打去book位食我家姐嘅生日飯 主廚話前幾日會send啲Menu俾我睇俾我揀 應該想早啲做好準備
一入到去成個裝修都好簡單好舒服 間餐廳唔算多位 比盡都係得20個位所以想食就book定枱 呢間餐廳無得散嗌 得4-course and 6-course揀 menu如下：
其實個龍蝦我係想試嘅 但真係麻麻哋八爪魚 所以我哋五個人都揀咗4-course
帶子.香醋
帶子.香醋
2 views
0 likes
0 comments
佢個汁酸酸地 好開胃 食材新鮮 黑色粒粒甜甜地好味❤️
雪蟹肉沙律.魚子醬
蟹肉啖啖肉 正呀😍
佢有魚子醬加埋淡淡花香味 食得好開心 因為唔使我剝殼
36個月西班牙依比利火腿沙律
我麻麻哋火腿 但呢一個OK 唔算好鹹
個汁又好好味 啲菜都新鮮
松露.黑菌.清湯
我本身唔太鍾意飲清湯 同埋唔鍾意食菇 （黑松露除外😂）呢個完全中晒😂 聞落去好香黑松露味 但飲就好重菇味 但我爸就覺得OK
燒西班牙依比利豬鞍架
好多時喺餐廳都唔會叫豬扒 因為多數都會好韌好鞋 所以次次都食牛扒 但見啲食評話呢個豬扒OK所以就試吓 呢件唔算太瘦有少少肥所以食落就好似半肥瘦叉燒咁正
同埋佢啲配菜都好好食 蘿蔔唔會有草青味重點係個汁好正 連埋薯仔食真係一流
燒安格斯頂級肉眼扒(二人用)
呢個presentation靚 rib eye肉質算幾好 medium rare煎得啱啱好 我係牛魔 食到靚牛真係好開心🤪
2人份都算大塊 可惜係切嘅時候多血水 佢個木版唔夠平所以血水會不停流落嚟
但侍應姐姐好細心一見到就已經拎幾張紙巾俾我哋墊住 所以無流到周圍都係
乳豬 + $20
呢個乳豬比想像中大隻 我以為乳豬係一件件咁得幾塊 但都幾大隻 比我哋影完相仲可以幫我地切埋 真係好好！
唔好expect佢係我哋食嗰啲中國乳豬 佢個皮冇咁脆但係都好食嘅 重點係肉都幾滑
另外配佢哋自己整嘅風乾菠蘿片
如果唔係5個人share 點食得哂呀？😂
蟹肉蟹膏意粉
呢個睇見都流晒口水 同埋我好鍾意食蟹肉意粉 呢個仲要加埋蟹膏 但我鍾意食幼稚
身嘅意粉 呢個雖然唔係幼身意粉但係呢個硬度適中 同埋有少少少少腥 唔係好仔細食其實唔覺但佢勝在足料
百里香布丁+水果芝士蛋糕 $38each
餐係唔包甜品嘅 想食要另外叫 我預先問咗主廚可唔可以幫我寫字 係可以既
首先我想講下個百里香布丁 我好好奇香草整咗甜品係咩味 個味係有啲耐人尋味我都唔識形容 但呢個甜品食一次就夠
同埋個士多啤梨芝士蛋糕個質地濕濕地 偏冧 我就麻麻哋呢個texture 呢個都係試一次就夠
紅莓紅茶
連隻碟都好靚總括嚟講呢餐我都好滿意 食物加環境加服務都好 喺元朗呢個質數算數一數二 但價錢就小小貴 好難日常成日食 唔似cafe 200幾蚊一餐 但我諗兩三個月食一次或慶生食都ok既
主廚話2個月轉一次menu, 下次轉大約4月15 睇下到時有咩朋友生日再食過😍
Post
