Maya Cafe Mediterranean Lifestyle (Moved) New Location

Item: Maya Cafe Mediterranean Lifestyle
Rating: 4
Author: FATCAT=]

3.5

24 Reviews

Taste

Decor

Service

Hygiene

Value

463

Wan Chai

$101-200

Mediterranean Vegetarian

FATCAT=]

Level4

101

今年身體唔多好，所以常常因為病倒而食唔到美食。大一歲希望身體能夠健康啲，所以生日飯揀左呢間地中海素菜。灣仔星街被打造成為一條soho食街，帶挈埋係月街既酒吧，當然也不少得Maya Cafe。呢度靜中帶旺，人氣夠，但位置比較舒服，喺鬧市入面搵到一個小小空間舒舒服服食一餐飯實屬難得。今次第一次成功用Tablemap book枱，非常方便，而且仲有email notification，不過我覺得如果餐廳有電話double confirm booking會更好。由於我同男朋友下午果餐食濟左，差啲食唔落晚餐，我地猶豫左好耐食乜好。店員好耐心同我地介紹食乜好，同埋佢可以清楚咁講到每種食物同食材既特式同味道，我覺得服務態度真係幾好！由於太多餐冇食菜，我地先點左個沙律Greek Salad with Feta Cheese($115)，希臘沙律都幾多料，有車厘茄、青瓜片、洋蔥、紅燈籠椒。我都係第一次食沙律有紅燈籠椒，都幾好食！Feta Cheese係山羊奶芝士，軟軟地，又唔會太膩，少少咸，食多幾粒都唔覺太飽。至於沙律個sauce我估有及醋、檸檬汁同橄欖油。不過除左呢幾樣我估仲有其他香料，呢種味

Read full review

今年身體唔多好，所以常常因為病倒而食唔到美食。大一歲希望身體能夠健康啲，所以生日飯揀左呢間地中海素菜。灣仔星街被打造成為一條soho食街，帶挈埋係月街既酒吧，當然也不少得Maya Cafe。呢度靜中帶旺，人氣夠，但位置比較舒服，喺鬧市入面搵到一個小小空間舒舒服服食一餐飯實屬難得。

今次第一次成功用Tablemap book枱，非常方便，而且仲有email notification，不過我覺得如果餐廳有電話double confirm booking會更好。

由於我同男朋友下午果餐食濟左，差啲食唔落晚餐，我地猶豫左好耐食乜好。店員好耐心同我地介紹食乜好，同埋佢可以清楚咁講到每種食物同食材既特式同味道，我覺得服務態度真係幾好！

Greek Salad with Feta Cheese

由於太多餐冇食菜，我地先點左個沙律Greek Salad with Feta Cheese($115)，希臘沙律都幾多料，有車厘茄、青瓜片、洋蔥、紅燈籠椒。我都係第一次食沙律有紅燈籠椒，都幾好食！Feta Cheese係山羊奶芝士，軟軟地，又唔會太膩，少少咸，食多幾粒都唔覺太飽。至於沙律個sauce我估有及醋、檸檬汁同橄欖油。不過除左呢幾樣我估仲有其他香料，呢種味唔會喺出面食到，咸香開胃，有機會真的想請教下係咩汁呢！

Main點左($162)，呢個係店員介紹的。薯仔波既外表只係微焗，唔會太燶，sauce有少少辣。橄欖原粒食有點重口味，所以我只係食左兩粒。有一大條芝士，好似配紅酒會正啲(不過我點左白酒)。兩小匙的沙律好精緻，九層塔的香味好出。豆腐賣相好好，同個sauce都好夾，不過好易夾散，可能整得太乾，中間的水份都抽走了。我覺得呢個main幾特別，睇得出用心工匠，不過sauce的口味就未必個個都岩啦。

Meatless Balls in rich tomato sauce + pasta

因為驚唔夠飽(其實最後食唔哂...)，叫左 Meatless Balls in rich tomato sauce + pasta ($168)，Meatless Balls係冇肉既"肉丸"，肉丸主要係用磨菇做，之後再用調味去令到佢似真正既肉丸，一咬開已經散散地，口感略嫌唔似肉。不過個味真係似豬肉！幾驚喜！而且磨菇都好香口。意粉有啲硬，蕃茄汁好開胃。

本來有啲擔心叫smoothie會太飽，因為smoothie都有啲厚既質感。但我見佢有咁多特別既組合決定要試下，所以男朋友揀左Revival($60)，係芒果、檸檬、青瓜同香蕉打出黎既。一飲就飲得出香蕉味，吞左後會"回甘"青瓜既餘香。我最飲唔出芒果既味。呢個smoothie都幾驚喜，我有諗過佢係咁好飲！開頭以為呢個組合會怪怪的。同埋飲左佢有消化左好多既感覺！