Branto 印度素食餐廳

Open Now

Now Closed

Green Monday搵食，其實印度菜都係一個唔錯嘅選擇；可以選擇嘅菜式都比較多。今晚就嚟呢度開飯啦...呢度嘅餐牌大部份都有中英文對照，所以點菜唔會太困難。點咗份乳酪炸米餅粒＋同想試多d唔同嘅嘢，所以點咗個Special Branto Indian Thali套餐。乳酪炸米餅粒，外皮炸得好脆；入面涼涼嘅甜甜酸酸乳酪好開胃。套餐有7個小兜仔、有2兜係d豆同瓜嘅蔬菜（1個係茄汁味，1個咸味）2兜分別叫Dal Fry豆蓉咖哩醬汁同Rasam阿參辣醬汁、1兜都幾咸吓嘅湯、1兜甜酸乳酪；同埋1個超級甜嘅甜品。仲會跟埋1碗白飯、2件烤餅同2件蔬菜炸物。**都知道印度嘅甜品係偏甜，所以我一向唔點。點完菜之後每檯都會送上一份印度沙律＋羅宋湯。埋單前侍應再攞番套餐入面嗰兜米白色，超級甜嘅甜品比我地食。我地話唔需要啦，佢係咁話Free...叫我地食；為咗唔浪費咁唯有隊埋佢啦。總結味道唔錯，而且價錢亦合理。套餐入面嘅配醬，可能沒必款款都適合香港人口味。下次會再嚟試其它口味嘅咖哩。