樸生•素食 (Closed)

作為一個食肉獸，素食從來都唔喺我字典裡面，但因為人到中年，身體逐漸響起警號，迎排開始注意個人健康。而飲食就係其中一個重要元素，今日就跟朋友黎呢度一嘗素食嘅味道。位於青衣城一期嘅樸生.素食，門面有掛上厚厚綠色嘅植物，滿有田野氣息。朋友話雖然係素食，但一定食得飽，原來係因為呢度有素食半自助餐，每位可選擇一款主菜，其他素菜就到自助區自取，每位收$168，限時90分鐘。有餐牌教導大家自製年糕，跟住佢個指引就可以了。睇完個牌，即刻去自助區整返個自製年糕先。自助區仲有各式各樣素菜沙律可供選擇。仲有好受歡迎嘅素蛋撻同素朱古力撻，我見每次出親都好多人去攞架。我自己都試左件，同真蛋撻味道確係好似，幾可亂真。仲有韓式素粥同素湯，我揀左素湯其實係泡菜豆腐湯)但味道竟然似羅宋湯，認真出奇。主菜我選擇左素芝士豆腐漢堡，賣相跟真漢堡非常相似，豆腐代替了肉類，味道也非常不錯，值得推介一下。無飯不歡嘅友人則選擇左素芝士白靈菇鐵鍋飯，配料甚多，單係賣相已相當吸引。飲品係任飲架，有凍粟米茶同柚子茶，旁邊仲有柚子蜜同薑蜜比你按需要隨意調味。而且仲有熱水供應，一於沖番杯熱柚子蜜歎下先。其實近年社會上已經多左食素嘅風氣，無論係