日常素食 (Closed)

今日星期一去咗食素～下午茶時段任食只需$68； 小童/長者$55，仲免加一。餐廳較開揚，自助形式。食物多以傳統素色款式為主。款式多，refill得快，仲會不時有新菜式。有菜、豆腐、茄子🍆、豆卜、菇類等等。全部調味都唔錯又夠健康。炸物夠新鮮，炸得金黃香脆。有炸蕃薯🍠、蘿蔔糕、炸豆腐、炸芋頭魚、炸鮮竹卷，味道唔錯！我最鍾意食香蘿蔔糕、豆腐，幾香！有湯、糖水、甜品等。湯全部都真材實料，而且清甜。糖水有南瓜西米露；甜品有椰汁糕、桂花糕等等。另外，飲品有橙汁、羅漢果水、普洱茶等等。呢個價錢真係好抵食！