euro go go (Closed)

星期一中午十二時，食午飯時間到啦。今日好想食意粉，所以到了東港城的 euro go go，貪佢D選擇夠多。可能時間尚早，店內只有二至三人，環境清幽及舒服，不錯的裝潢。客人先於收銀處點選心水食物，食物會由服務員隨後送上，我都不例外.....咦，今日有新產品推出噃，是素食的 - 煙燻杏仁香草意粉，見相片中的意粉賣相不俗，同時我亦可嚮應及支持一下: Green Monday ，為低碳排放活動出一分綿力，一於扑搥。是日選擇: 煙燻杏仁香草意粉餐 (跟沙律) + 餐飲 (熱奶茶 + $2) ($44)數分鐘後，首先送上跟餐的沙律及熱奶茶。有D口喝，飲啖奶茶先，茶味香濃不苦澀，夠熱。正。食吓沙律啦，D 蔬菜好 fresh 好爽脆呀，拌以千島醬，令人好開胃添.....意粉因即叫即煮，烹調時間會耐D，大約十分鐘後，主角 - 煙燻杏仁香草意粉 - 終於出場。好大碟呢，出品與相片中的沒大分別，都是吸引的。 入口先吃意粉爽口彈牙，拌以很濃很香的香草及橄欖油味，愈食愈好味，份量不少的意粉最後也讓我全部掃光。