Video
Read full review
2019-11-03
886 views
約朋友食飯，大家都不約而同想食泰國野，於是就到附近的GREYHOUND。本身主要係想係這裡的椰子千層PANCAKE，但是點菜時不小心點了太多，最後沒有肚食甜品呢。點解會點得太多？就係因為每樣菜都好似好吸引咁，以前覺得GREYHOUND的份量都係偏細既，但今次又覺得佢好似份量多左咁。黃埔哩間分店我地都係第一次去，都幾大下，所以每張枱都空間都好夠，坐得好舒服。雖然面積大，但侍應都好快手，當中有個SENIOR少少既叔叔仲好NICE TIM。香煎鵝肝芒果沙律($168)因為朋友鍾意食鵝肝，所以點了這個沙律。睇MENU既時候覺得好吸引，不過實物卻有點細件，而且鵝肝都比較薄身。不過好彩味道都算幾好，煎得剛剛好外層香口裡面軟嫩，而且味道都好香濃。香辣豬肉炒椰菜苗($88)雖然叫做香辣，但食落唔係覺得好辣，不過真係好香口。椰菜苗炒得好香好爽脆，加上豬肉係用上比較多油脂的部份，所以成道菜都帶有豬油的香味，加上脆脆的咸豬肉乾，更加香口惹味。松露油炒雜菌($88)原本冇留意原來炒雜菌係跟埋法包，所以真係好飽。炒雜菌好香松露同埋黑椒味，兩種調味加起黎好夾好香。另外仲有原隻的焗蒜頭，香甜的蒜粒加上雜菌一齊食，味
點解會點得太多？就係因為每樣菜都好似好吸引咁，以前覺得GREYHOUND的份量都係偏細既，但今次又覺得佢好似份量多左咁。
黃埔哩間分店我地都係第一次去，都幾大下，所以每張枱都空間都好夠，坐得好舒服。雖然面積大，但侍應都好快手，當中有個SENIOR少少既叔叔仲好NICE TIM。
香煎鵝肝芒果沙律($168)
因為朋友鍾意食鵝肝，所以點了這個沙律。睇MENU既時候覺得好吸引，不過實物卻有點細件，而且鵝肝都比較薄身。
不過好彩味道都算幾好，煎得剛剛好外層香口裡面軟嫩，而且味道都好香濃。
香辣豬肉炒椰菜苗($88)
雖然叫做香辣，但食落唔係覺得好辣，不過真係好香口。
椰菜苗炒得好香好爽脆，加上豬肉係用上比較多油脂的部份，所以成道菜都帶有豬油的香味，加上脆脆的咸豬肉乾，更加香口惹味。
松露油炒雜菌($88)
原本冇留意原來炒雜菌係跟埋法包，所以真係好飽。
炒雜菌好香松露同埋黑椒味，兩種調味加起黎好夾好香。另外仲有原隻的焗蒜頭，香甜的蒜粒加上雜菌一齊食，味道更加豐富。
黃咖喱蟹肉飯($198)
份量都幾多下，尤奇係蟹肉的份量都唔少，可以食到啖啖都有蟹肉係咖喱裡面。
咖喱做得好香好滑，唔算太濃味，所以依然食到蟹肉的鮮味。
泰式珍珠奶茶($46)
泰式奶茶好香煉奶的味道，而且加入煙韌的珍珠，100分。
FRUITY SHAKY YOGURT($62)
一向都好少飲士多啤梨味的飲品，因為中伏的機會實在太大，好多都係藥水味道的。不過這個士多啤梨味的乳酪飲品就好好欴，似係新鮮的士多啤梨做成，酸酸甜甜咁，十分開胃。
Post
