Greyhound Café (黃埔天地) (Closed)

路過這家咖啡店數次，每次都被它黑色型格的裝修所吸引，心想找天一定要來試試。終於在一個星期天的下午空出了時間，滿心期盼的走進了咖啡店。環顧四周，環境的確不錯，感覺也挺舒服。看了餐牌後，點了一個泰式冬蔭功鮮蝦湯河（配咖啡)，配料很少，湯底很酸，服務一般。

細細漆黑的門面，完全唔顯眼，行到過晒龍都發現唔到。睇地圖再返轉頭吧，原來就係元氣壽司對面。午飯時段燈光柔和，只有細小射燈幾盞，主要利用自然光，非常舒適優雅。我著到爛身爛勢走到黃埔食飯，硬係怪怪的。望咩望，未見過街坊碌咩！食太多超標喇，人家減緊磅架麻。餐牌寫住豬脾烏冬？想講豬皮嗎？還是豬脾臟？我都未食過脾臟喎。招牌檸檬茶，用青檸不是黃檸有創意，而且立方冰塊程啡色，是茶還是糖呢？茶味清新不澀不濁，檸味清淡不明顯，飽餐一頓後清清味蕾不二之選。招牌脆炸單骨雞翼，其實何解要前開一半來炸呢？大陸發明？完全不覺方便得多少，肉汁流失乾爭爭，香脆就真的夠香脆。如果單骨反翼就另作別論，拆一支骨掉丟，將雞肉外反而雞皮在內，外形極象迷你雞膇。油潤鳳脂能保存良好，雞肉炸得香口充滿肉汁，一口一支就真正方便容易食喇﹗薄切三文魚配泰式辣汁，感覺不到半點辣，酸酸甜甜香草味道非常醒胃。不辣的泰式汁搭蒜片撞埋咸鮮煙三文魚，神奇的化學作用，甜酸辛辣咸融合和味。泰式海南雞飯，有驚喜的咸酸菜湯，味濃使得食慾大增，初時還以為係黃豆涼瓜湯呢。白切雞配以三種醬汁，行星馬風格有點偏離泰式，甜酸汁、酸辣泰醬、黑豉油。去骨雞全部實肉十分聚手

中午經過黃埔花園11期,本人喜歡吃日本菜或泰國菜,見到好多人响嗰間Greyhound cafe好多人等,入面又不是沒有位置,點解会有咁多人等,等乜呢,原來呢間嘢推出半價takeaway優惠半價食品,見到都嘩,嘩,嘩,好抵呀,見到由小食到主食至甜品,飲品樣樣都有,我就鐘意佢地炒雞碎飯+雞翼+泰式奶菜都係$126,平時吃都要$250多,現在半價, 但係我位置有限,否則我都食埋佢地D精選千層蛋糕值得推介其他食家

Greyhouse cafe 係一間西式嘅泰國菜我食過好多次了，不過每次都係係尖沙嘴嗰間食，黃埔呢間係第一次幫襯。之前都係晚飯時間單點野食，今次就試下佢嘅午餐啦。原本以為係普通西式嘅粟米湯，但原來係泰式風味。粟米湯飲落去酸酸地，仲有啲泰國香料嘅味道，我估應該係加左香茅。湯入面有滿滿粟米蓉，口感超豐富。😋😋海南雞飯🤤份量超足，雞肉好嫩口，仲有三種醬汁。有埋湯送，不過個湯真係又好酸又好咸，送飯先得😂😂個蛋煎得好脆，而蛋黃係流心嘅，如果唔鍾意食生蛋黃嘅朋友，記得叫佢煎熟。肉碎嘅味道基本上同大部分泰國餐廳整嘅差不多。同海南雞飯一樣係有湯送，不過都係嗰句，要送飯先得，真係好咸😂😂😂

見到openrice黃埔竟然開左greyhound,就想過黎試下。我地3個人黎食，經openrice 訂位除左賺咗25miles, 黎到仲唔洗等位，可以直接入座，但應該係因為肺炎關係，午市都唔係太多人。平日黎，佢會有午市餐牌，價錢中等，由108蚊起，但款式就唔算太多，108蚊嘅lunch set 都係得啲湯粉，同埋唔跟沙律或者餐湯。不過你都可以叫返個main menu 會多款啲揀。MAIN MENU:午市餐牌：餐前沙律個汁幾好，酸酸甜甜幾開胃飲品建議叫檸檬茶，因為佢個冰係用茶黎做，唔會有其他餐廳越飲越淡嘅問題除左以上三個主餐外，我哋仲用半價另外再叫多左個小食埋單最後唔洗500蚊🙈🙈其實都幾抵

由於住在黃埔，又喜歡泰式食物，所以過往Greyhound喺我常去嘅選擇之一。但後來由於餐廳的某些因素令我沒有再堅持。1. 夏天餐廳冷氣極大，極為冰冷，如果冇長袖，恐怕全程打曬冷震，換位置都無補於事。2. 服務態度又快又隨便，典型快快脆脆就完事，講多兩句都唔會，有時連多謝都冇句。3. 對我來講最關鍵的一點，室外有二手煙傳入餐廳！坐喺餐廳內中間位置進餐，竟有二手煙傳入嚟，喺好荒謬嘅事情！由於門處於長開狀態，所以一旦有路人或餐廳員工在門外吸煙，煙味就會全部湧入餐廳內，但是餐廳卻無動於衷，沒有任何行動或做法去改善環境。呢個喺我放棄再去嘅最大原因。4. 食品價錢高，Greyhound喺連鎖餐廳，食物水準喺唔錯嘅，呢個亦喺我之所以會常去嘅原因，作為一間一個人去都閒閒地$200-$250嘅中高檔餐廳，本身冇問題，但喺服務態度及環境管理未能對得住價格。以上原因，我放棄了Greyhound作為我常去的餐廳，整體體驗頗令人失望。

由於見到裝修氣氛好似幾好，所以吸引到我們一家人嚟食，最主要係想帶老人家試新野，點知令老人失望之餘，俾錢請客的我感到很難為情，完全貼錢買難受的深刻體會，食物真是一般，無驚喜之餘，仲要受到服務態度差，整體價錢不值，所以不會再光顧之餘更極力叫朋友不用去試！叫咗菠蘿炒飯，海南雞飯，海鮮炒意粉，紙米卷及黑松露菇，落Order時，服務員態度hea不在話，講明走辣，出來既意粉更加辣，呢頭落order,轉個頭不用3分鐘就可以出菜到我們枱上，即係預先整定，放入口室溫的溫度吾熱的！同連鎖快餐店有咩分別呢？當初大家很想點較多的食物尤其甜品添！但由於食咗個菠蘿炒飯之後，再沒有意繼續！大家食唔飽之餘就打算埋單轉場！我們沒有出聲同表現不滿，但服務員完全無理食客的感覺，最後埋單的時候，最主要一句多謝都無！真是初四咁樣吧！極度失望！

約朋友食飯，大家都不約而同想食泰國野，於是就到附近的GREYHOUND。本身主要係想係這裡的椰子千層PANCAKE，但是點菜時不小心點了太多，最後沒有肚食甜品呢。點解會點得太多？就係因為每樣菜都好似好吸引咁，以前覺得GREYHOUND的份量都係偏細既，但今次又覺得佢好似份量多左咁。黃埔哩間分店我地都係第一次去，都幾大下，所以每張枱都空間都好夠，坐得好舒服。雖然面積大，但侍應都好快手，當中有個SENIOR少少既叔叔仲好NICE TIM。香煎鵝肝芒果沙律($168)因為朋友鍾意食鵝肝，所以點了這個沙律。睇MENU既時候覺得好吸引，不過實物卻有點細件，而且鵝肝都比較薄身。不過好彩味道都算幾好，煎得剛剛好外層香口裡面軟嫩，而且味道都好香濃。香辣豬肉炒椰菜苗($88)雖然叫做香辣，但食落唔係覺得好辣，不過真係好香口。椰菜苗炒得好香好爽脆，加上豬肉係用上比較多油脂的部份，所以成道菜都帶有豬油的香味，加上脆脆的咸豬肉乾，更加香口惹味。松露油炒雜菌($88)原本冇留意原來炒雜菌係跟埋法包，所以真係好飽。炒雜菌好香松露同埋黑椒味，兩種調味加起黎好夾好香。另外仲有原隻的焗蒜頭，香甜的蒜粒加上雜菌一齊食，味

食泰國野，除左諗起九龍城，仲會諗起GREYHOUND。係紅磡想食泰國野，近近地就去左黃埔的GREYHOUND。黃埔分店都係第一次去，舖面都好大，去的時候剛過了晚飯的繁忙時間，餐廳唔算多人，坐得好舒服。MENU的選擇一如以往，選擇好多，每樣都好吸引似的。香煎鵝肝芒果沙律睇個賣相擺盤就做得麻麻地，鵝肝比較薄身，但煎得都好香，食落好CREAMY。香辣豬肉炒椰菜苗食泰國菜必點的椰菜苗，炒得好爽口。而且用左半肥的豬肉粒去炒，令到有點豬油的香味，加埋微辣的調味，特別惹味。松露油炒雜菌好欣賞炒雜菌配完隻焗蒜頭，焗得好香好甜，成粒蒜頭食到冇得淨。雜菌除左有松露油的香味之外，仲有好香的胡椒味，用黎送一旁的法包好夾。黃咖喱蟹肉飯成餐飯最推介哩個黃咖喱蟹肉飯，真係做到啖啖蟹肉。而且咖喱做得好滑身，冇咩辣味亦唔會太甜，好香口。用黎送飯唔覺唔覺就食左成碟飯。泰式珍珠奶茶泰式奶茶偏甜，一直係我的至愛。哩度既奶茶仲有煉奶的香味，飲落好順口。而且珍珠好彈牙，帶有黑糖香味。每次去GREYHOUND都唔會令我失望，而且耐唔耐佢地又有新的菜式推出，所以耐唔耐就會想去一次。

最近來到黃埔探親戚, 之後同佢落樓下食飯. 佢話想試下GREYHOUND.見唔算多人, 唔洗點排隊, 所以都試下.由於大家都唔太肚餓, 我地點左3樣野. 先黎個單骨雞翼, 食到少少辣,炸得好惹味, 雖然單骨,但都食到多肉, 唔錯~之後大家再SHARE 一個鮮蝦泰式炒金邊粉, 估唔多都幾多蝦, 金邊粉炒得好香, 食到好滋味 !! 唔錯唔錯!!再黎個蒜蓉炒通菜, 非常翠綠, 好健康, 好味~埋單都唔算貴, 環境又唔錯, 下次可以再食!

今日去左黃埔睇戲, 睇完去左GREYHOUND 食飯~~~好耐都冇去了, 我同好友都唔算太肚餓, 所以叫左少少野食 SHARE 下.先叫個牛油果鮮蝦SALAD, 入面入既份量都幾多, 牛油果又熟得岩岩好, 火箭菜都好正, 好香~叫左個鮮牛肉河, 河粉滑溜, 牛肉多而鮮嫩, 唔錯!最後仲叫左薯條, 一人一條食唔停,  食得出係即炸,好香脆!! 醬都有2款, 茄汁又沙律汁, 唔錯!!價錢唔算貴, 下次可以試下帶屋企人黎!

Greyhound都開咗一段時間，而我竟然第一次食！呢到嘅Menu係超多嘢食，真係睇到我花多眼亂，我地揀咗勁耐先落到單，最後我哋兩個人決定嗌海南雞飯、大蝦炒金邊粉、辣豬肉炒椰菜苗，職員服務都唔錯，仲推介我哋飲泰式珍珠奶茶！海南雞飯連埋一碗細鹹菜肉碎湯，啲滑雞一路食都仲有，份量都幾大！仲有三種醬汁蘸，好豐富！😋😋😋金邊粉都好有水準，大蝦好彈牙！炒得條條分明加埋爽口芽菜！真係我食親泰國菜都會嗌😂😂👍🏻椰菜苗喺屋企都無乜食過，但係食泰food又係好鍾意嗌！今次配埋鹹豬肉同啲煙肉辣辣地都好好味！甜品嗌咗芒果糯米飯，飯有啲鹹椰漿，芒果香甜！正！斑蘭蛋糕唔係周圍有得食，以我咁鍾意食斑蘭軟糖，覺得哩道甜品真心做得唔錯！😍😍

話說黃埔好多舖都圍封咗🙊哩間可謂黑森林中嘅螢火蟲其實我係入到去食先知係泰國餐廳因為好耐之前聽朋友講以為係cafe 不過其實佢係非一般泰國餐廳佢有好多泰式風味嘅fusion菜Pasta, burger,甜品😂😂😂我嗌咗海南雞飯、大蝦炒金邊粉仲有個辣豬肉炒椰菜苗、甜品嗌咗兩款分別係芒果糯米飯同斑蘭留層蛋糕！海南雞飯份量足 睇落好正宗！ 仲有湯飲！ 我見隔離枱嗌啲嘢食同我地一樣，唔知係咪嗌中招牌呢！大蝦金邊粉炒得金黃且廿我喺泰國食嗰啲好似粒蝦仲要好大粒彈牙！椰菜苗都有水準！泰式炒真係特別好味朋友嗌咗芒果糯米飯芒果又大又甜其實已經好飽但見到斑蘭千層蛋糕真心忍唔到要嗌！三隻greyhound好可愛但我朋友猛話佢地似聖誕鹿😂😂蛋糕唔太甜真係好香斑蘭味啲cream又唔會漏！下次嚟好想試下佢個泰奶茶味道😍一定都好好食！！

最近真係無咩心機出街食嘢，見老朋友約咗咁耐就打算係屋企附近食下～呢間餐廳其實都有好幾間分店，都知道有返咁上下水準～咦，有DINNERSET，十分抵食，138$有湯/沙律仲有飲品，加埋一都係150$。我同朋友就一人叫咗一個SET，沙律同粟米湯都試哂，YEAH！沙律好新鮮仲有麵包粒，粟米湯口感係有粟米蓉，前菜唔係咁簡單喎！ 主菜朋友叫咗必食鮮蝦炒金邊粉，睇配料擺設都知唔係咁簡單：芽菜﹑花生碎﹑辣椒粉﹑大蔥﹑青檸撈埋一齊食相當香口同惹味，一分錢果然一分貨，食到獲氣之餘又擺到靚一靚，食完都心情大好。而我呢就揀咗帶子蘆筍香草闊麵，呢個就要加20$，將貨比價，睇下咩料子先！一上碟綠綠感覺好健康，帶子爽口鮮甜，闊麵煙煙靭靭，　加埋芝士碎，　簡直係雙重享受！重頭戲黎啦～～～我地加點咗咖哩虎蝦配薄餅～～上碟同朋友都眼凸凸～～👀👀👀啲蝦好大隻啊～～而且仲已經剝好殼，啱哂我地呢啲又懶又想食好西～～蝦係新鮮爽口，大大隻交足功課！咖哩不論濃度同埋味道都非法恰當，如果再辣小小就PERFECT池YEAH！

好多時聚會嘅餐廳選項入面都會有Greyhound🤤。貪佢坐得舒服,食物質素唔差,而且價錢都尚算合理。今晚食物嘅味道我覺得一半半啦，只可以講做呢個價錢合格嘅味道先上一份西冷，本身叫5成熟既不過上到台覺得都係比較生就改左7成😣味道其實唔錯既🙈軟熟、點埋個醬汁好夾個糯米飯呢個咖喱蟹肉我覺得係的確好好味😍黃咖喱唔辣而好香、加埋個蟹肉好match.而佢蟹肉份量都唔少。佢比韓國個個蟹膏拌飯更加好味個米紙卷 肉嘅份量都唔少，不過成件事比較乾同實，點左d醬味道就加返少少分..