Lady Gourmand

Open Now

Now Closed

burger店hk 好多，grilled cheese嘅相對少好多，所以一直都想嚟試。之前睇OR營業時間，摸門釘。再睇google，都係摸門釘。第三次睇兩邊都終於啱喇。入到去應該得店主一腳踢，所以預咗慢，佢整得快先有古怪。 叫咗個辣肉佢跟個湯，再叫個奶昔(又咸又甜）。個grilled cheese不得了!香 酥 脆 ，拉絲就梗係唔少得，加埋辣肉點敘下確係正既。食完第一件第二件都仲係熱哩個幾難得(可能有賴冷氣唔強)。不過一個人食都真係好漏吓，我諗佢都知所以跟個蕃茄湯中和吓。個蕃茄湯唔少菜，酸酸哋夠香濃，味道豐富唔會得，剩係得蕃茄味。個奶昔飲得出係有心機，美式明顯較厚身，士多啤梨醬加花生醬的確係又咸又甜，哩類嘢我一向都幾鐘意，不過比例上唔係好啱我口味。有機會會試試其他味。總括嚟講會encore。