明乾小館 (Under Renovation)

放假同屋企人出左黎尖沙咀行下，越行個天就越黑，一副就快落大雨嘅樣，即刻搵下有咩地方食野hea下先。到左H8的明乾小館飲茶，H8的食店真係換得好快呀，都唔知而家有點心食添，就上黎試下先😋開左壺菊花普洱，茶味不錯🫖🥢豚肉叉燒包越難越搵到好食嘅叉燒包，呢間都幾好食，包鬆軟餡料多，唯偏甜了點。🥢彩虹蝦餃非常吸睛的蝦餃😍彩色的蝦餃皮仲掃上了金漆，依然晶瑩剔透，鮮蝦餡鮮美爽滑👍🥢手工蓮藕餅煎得好香口的蓮藕肉餅，食落有口感。🥢XO醬金鈎煎腸粉腸粉煎得很香脆，每一條都煎透心的👍XO醬鹹鮮好正，唯下層醬料不夠就偏淡了。🥢鮑魚酥又是灑滿金粉很吸睛的一款點心😘酥皮鬆脆，有著原隻鮑魚仔，酥盒內也有餡料，食落鮮味十足。🥢鮑魚糯米雞最後仲有糯米雞，不用荷葉改用了糭葉，顏色翠綠且一樣有葉香，內邊的糯米飯包著肉沫蛋黃等，當然還有主角鮑魚仔，鹹香鮮味，最重要係飯軟糯有咬口，正👍店內用qr code落單，介面方便易用👍點心好食😋茶好飲😋唯坐位較近電梯口冷氣稍微有點不足，且位置亦較接近洗手間，原來都幾繁忙㗎，每分鐘都有人出出入入，哈哈😆