Häagen-Dazs

Open Now

Now Closed

晚餐後去左Häagen-Dazs食返個甜品。叫左一個雪糕蛋糕Mini堂食。餐廳可以幫你加紙生日牌同點蠟燭。皇室加冕雪糕蛋糕揀呢款皇室加冕雪糕蛋糕因爲有我地最愛既夏威夷果仁雪糕。造型以橙黃色面爲主，再加一個黑朱古力造既皇冠同權杖代表加冕，蛋糕上面同邊位都加上夏威夷果仁碎。原來雪糕係兩層，上層係夏威夷果仁雪糕，下層係比利時朱古力雪糕，點解唔寫明？雪糕外面仲有一層忌廉，最外面就係一塊橙黃色好似糯米糍皮，加左好多夏威夷果仁碎。食落味道可以啦，我就唔太鍾意d忌廉，無味又得個肥字。黑朱古力就唔甜。其實呢個組合冇平時嗰啲雪糕甜品好食，不過蛋糕賣相係可以嘅，只係呢個價錢可以有好多更好嘅選擇喎。銀色會員有92折連加一實收$437.6。勉勉强强比個OK啦。