Häagen-Dazs (Closed)

Häagen-Dazs華芙筒就成日食，不過今次係第一次買Häagen-Dazs既家庭裝，唔係超市既家庭裝，而係Häagen-Dazs專門店既家庭裝！究竟係點架呢？3盒家庭裝雪糕一共$299，一大兩細。細個盒係平時超市買個d size。我揀左我最鍾意既夏威夷果仁味！店員係即時筆d雪糕入去個盒到，我覺得分量比平時超市買既多，因爲好重手。當然如果你鍾意其他口味都可以揀，超市未必有得賣！所以價錢一定比超市貴啦。順便又食返個華芙筒先。華芙筒分單球，雙球同三球，價錢分別係$60，$72，$85，可以自選雪糕口味。水果可以揀士多啤梨，桃或者香蕉；醬料可以揀芒果，士多啤梨或者朱古力；配料可以揀果仁碎，粟米片或者朱古力碎。我揀左三球華芙筒。三球華芙筒 $85三球雪糕係我最鍾意既士多啤梨，夏威夷果仁，同藍莓。水果揀左士多啤梨。醬料揀左朱古力。配料揀左果仁碎。首先雪糕就無可挑剔啦，好鍾意夏威夷果仁有多一重口感又滑溜。華芙筒好厚身又香又脆，好好味道。士多啤梨得兩細塊。果仁碎比想象中少。華芙筒好大個，要小心d攞住。同埋隻手好易掂到個華芙筒。