Häagen-Dazs (Closed)

Haagen dazs 雪糕火鍋 地址: 旺角朗豪坊 Food Court 果層 Haagen dazs價錢: $198 2人用/ $268 4人用早幾日食左個2人用的，有15個雪糕球，5款味(呍呢嗱，比利時朱古力，士多啤梨，曲奇呍呢嗱，芒果熱情果)，個雪糕球好似乒乓球咁大，朱古力味果粒超似牛丸。用朱古力湯底超好味，同平時食果D朱古力完全唔同質感，用D雪糕一浸入去，等幾秒，就會有一層朱古力脆皮包住粒雪糕，入口即溶。全部雪糕都好好味，不過要4人用果個先有抹茶味(最想試呢個)，除左雪糕仲有其它野食，例如蜜果曲奇，牛油曲奇，棉花糖，蜂蜜蛋糕，同其它生果，係個士多啤梨同奇異果比較酸，可能因為食左太多甜野。最驚喜係個蛋糕仔，睇落平平無奇，但係食落就好鬆軟，配上朱古力，簡直一流!!!食晒所有野，個朱古力醬都未用晒，如果你有興趣去食，可以自備蛋糕仔、餅乾同小食，因為個朱古力醬真係好好味，唔好浪費嘛。