Video
Read full review
2019-11-05
1191 views
之前經過尖沙咀Dazzling Cafe 分店已經好想試下，咁啱萬聖節當日要去銅鑼灣，就同朋友去左皇室堡分店食晚飯。銅鑼灣分店既設計同尖沙咀有D唔同，唔係用粉紅色作為主題，改用左白色木材加植物配搭，有種小清新既感覺，所以就算一家人/同朋友去都好啱Feel。有D凳係用左兔仔耳做設計，好可愛，而琴日我地就坐左係梳位枱位置，張梳位好舒服，仲有cushion提供，唔錯。因為係萬聖節，所以餐廳推出左期間限定既萬聖節限定菜式同Menu。萬聖節限定Menu係二人份既，入面包晒3樣萬聖節限定菜式﹑所以我地叫左個Set。除左3樣特色食物之外，仲有一個預設左既沙律同一個意粉(可以係Menu上面任揀)，開始仲擔心唔夠食，諗緊好唔好加多個意粉，點知原本份量都幾多，我地食完之後好飽，哈哈。香料雞腿凱撒沙律份量都算多，如果一個人食，應該整係食呢個就已經飽晒。凱撒沙律上面既兩大塊雞腿肉燒得好香，雞皮燒到好脆身，咬落去一D油膩既感覺都無，所以我連皮一齊食晒。無骨雞腿肉肉嫩多汁，配上清新既凱撒沙律食一流!!! 凱撒沙律既麵包粒同煙肉粒都唔算太乾身太硬，所以整體黎講幾好食。青醬奶油雞腿麵我一向都好鍾意食青醬意粉，因為覺得
銅鑼灣分店既設計同尖沙咀有D唔同，唔係用粉紅色作為主題，改用左白色木材加植物配搭，有種小清新既感覺，所以就算一家人/同朋友去都好啱Feel。有D凳係用左兔仔耳做設計，好可愛，而琴日我地就坐左係梳位枱位置，張梳位好舒服，仲有cushion提供，唔錯。
因為係萬聖節，所以餐廳推出左期間限定既萬聖節限定菜式同Menu。萬聖節限定Menu係二人份既，入面包晒3樣萬聖節限定菜式﹑所以我地叫左個Set。除左3樣特色食物之外，仲有一個預設左既沙律同一個意粉(可以係Menu上面任揀)，開始仲擔心唔夠食，諗緊好唔好加多個意粉，點知原本份量都幾多，我地食完之後好飽，哈哈。
香料雞腿凱撒沙律份量都算多，如果一個人食，應該整係食呢個就已經飽晒。凱撒沙律上面既兩大塊雞腿肉燒得好香，雞皮燒到好脆身，咬落去一D油膩既感覺都無，所以我連皮一齊食晒。無骨雞腿肉肉嫩多汁，配上清新既凱撒沙律食一流!!! 凱撒沙律既麵包粒同煙肉粒都唔算太乾身太硬，所以整體黎講幾好食。
香料雞腿凱撒沙律
27 views
0 likes
0 comments
我一向都好鍾意食青醬意粉，因為覺得佢個味道好香，而呢個青醬意粉加左奶油係入面，仲用左芝士粉灑係面，所以食落更加香濃。無骨雞腿肉同沙律個個係一樣，都係咁肉嫩多汁。
青醬奶油雞腿麵
16 views
0 likes
0 comments
惡魔OREO蜜糖吐司
一上枱我地就聞到好香既朱古力味，已經流晒口水。不過，碟上面既萬聖節畫花實在係太靚，所以忍唔住相機食先。大家記住影相唔好影太耐，因為個雲呢拿雪糕溶得都有D快。整個甜品偏甜，一個人應該無辦法食得晒，同人一齊happy share就啱啱好! 多士盒朱古力粉既外層好好食，有少少脆身，內層係好香軟既麵包，食既時候切開一少塊咁點少少煉奶/OREO醬，更加好食。雲呢拿雪糕味道普通，如果轉埋朱古力雪糕球就更perfect^^
惡魔OREO蜜糖吐司
16 views
0 likes
0 comments
呢個OREO奶昔真係超級大杯，我最後飲唔晒>< 質感介乎奶昔同沙冰之間，但唔算太涷太難入口。味道方面，我幾鍾意佢唔會太甜，加左cream都唔會覺得好膩，幾好。
極品歐瑞奶昔
15 views
0 likes
0 comments
呢杯飲品賣相一流，好可愛，真係有怪獸公司毛毛既感覺。味道方面就係一杯好普通既乳酸沙冰，甜多過酸，不過都有少少消滯既感覺，幾refreshing。
毛毛怪獸
13 views
0 likes
0 comments
飲品
10 views
0 likes
0 comments
Post
