Video
Read full review
2020-10-28
224 views
Gwee定期會推出創意特飲～繼之前嘅海灘鯊魚系列，最近迎接Halloween，設計咗布袋怪、腦袋兩款特飲！造型逼真，一杯在手，感覺真係好鬼過癮！😝▲Gwee常常會推出限定特飲，每次嚟都好有驚喜！▲紅桑子果汁好似血，好像真！✦Hollow Brain HK$68第一次在店家IG睇到呢款飲品，都比佢嚇咗一跳，因為真係好真！😂腦袋係淡奶做嘅蒟蒻，彈牙爽口，加埋紅桑子果汁提味，玩味十足！中層則係岩鹽奶蓋，底層係紅桑子果＋梳打！呢杯特飲無咖啡，但勝在飲上口酸酸甜甜，夠晒消暑！唔啱咖啡嘅朋友可以揀呢款！✦Oogie Boogie HK$68呢款係咖啡特飲，用咗比較Nutty啲嘅espresso做底，中層係岩鹽奶蓋，圍邊則係法國Valrhona 70%黑朱古力，最頂係店家自家製Jack造型蛋白餅。我幾滿意呢款espresso，好甘香濃郁，帶有濃濃堅果香，同黑朱古力、奶蓋好夾！另外，蛋白餅好甜，好香脆，咬一口餅，呷一口咖啡，多重滋味，治癒度十足！▲Gwee堂食位置不多，坐爆就只能出去店外「立食」了!▲可愛餐牌，一目了然有咩食～▲門口相當唔起眼，好易行過都唔知！P. S. Gwee實際
Gwee定期會推出創意特飲～繼之前嘅海灘鯊魚系列，最近迎接Halloween，設計咗布袋怪、腦袋兩款特飲！造型逼真，一杯在手，感覺真係好鬼過癮！😝
▲Gwee常常會推出限定特飲，每次嚟都好有驚喜！
Hollow Brain
$68
26 views
0 likes
0 comments
Hollow Brain
$68
23 views
0 likes
0 comments
第一次在店家IG睇到呢款飲品，都比佢嚇咗一跳，因為真係好真！😂
腦袋係淡奶做嘅蒟蒻，彈牙爽口，加埋紅桑子果汁提味，玩味十足！中層則係岩鹽奶蓋，底層係紅桑子果＋梳打！呢杯特飲無咖啡，但勝在飲上口酸酸甜甜，夠晒消暑！唔啱咖啡嘅朋友可以揀呢款！
Oogie Boogie
$68
30 views
0 likes
0 comments
呢款係咖啡特飲，用咗比較Nutty啲嘅espresso做底，中層係岩鹽奶蓋，圍邊則係法國Valrhona 70%黑朱古力，最頂係店家自家製Jack造型蛋白餅。
我幾滿意呢款espresso，好甘香濃郁，帶有濃濃堅果香，同黑朱古力、奶蓋好夾！另外，蛋白餅好甜，好香脆，咬一口餅，呷一口咖啡，多重滋味，治癒度十足！
▲Gwee堂食位置不多，坐爆就只能出去店外「立食」了!
▲可愛餐牌，一目了然有咩食～
▲門口相當唔起眼，好易行過都唔知！P. S. Gwee實際得6個堂食座位，無位坐就只能在店外立食！😢立食位好多蚊，著裙最好帶埋蚊怕水。另外，飲品需時製作，要等20分鐘左右，趕時間建議揀第二間。
Halloween 兩款特飲供應到11月17日，想試就要快手！😁
Post
