阿嫲現烤手工蛋糕 (Moved) New Location

香港嘅古早味蛋糕店🥚曾經開到每區都都總有幾間，不過又有幾多間真係捱得住呢？有啲舖頭少左生意時唯有減價促銷，有啲舖頭就用靚材料+成功靠創新口味殺出一條血路🩸🛣今次我地介紹嘅係喺太子嘅阿嫲現烤手工蛋糕，當然係後者！佢地唔單止用日本蛋，無添加人造免素，仲不時推出特色招牌食物，例如花生酥、琥珀合桃😍我地都encore左唔同口味嘅古早味蛋糕起碼10次🤣🌟士多啤梨古早味蛋糕🍓由於之前已經試過曬正常嘅原味、雙層芝士、合桃等口味，今次就突破下先！蛋糕依舊鬆軟不太油，有好🌈色彩繽紛嘅粉紅色，蛋糕隔層就吱咗比利時士多啤梨吉士醬。本來都好擔心好重藥水味💊幸好味道十分天然，仲食到一粒粒士多啤梨籽，有驚喜👍🏻🌟椰香班蘭古早味蛋糕💚出面有啲舖頭嘅班蘭蛋糕係用班蘭香精，味道又假，顏色仲要係瑩光綠色🤢 呢個班蘭蛋糕係用新鮮班蘭葉打汁，取其精華混入蛋糕漿，所以可以得出好天然嘅綠色同班蘭味👍🏻🌟芋頭麻糬酥🍠酥皮外層不太油膩，油皮同水皮搓得非常薄身，紋路平均。入口非常鬆酥👍🏻芋頭嘅口感綿密，味道唔算太突出，幸好係少甜食物，唔會覺得太漏☺️ 麻糬係用台式鮮奶麻糬，口感軟糯煙韌。呢個芋頭麻糬酥仲高質過台灣某啲以芋頭酥招徠嘅品牌😝