Potluck Eatery

好耐之前係舊鋪食過handshake 海鮮拼盤，一直都念念不忘，想食多次。今次去新鋪，環境就比較闊落舒適，又有室外座位，而且門口有個打卡位。我地一早就order 咗手搖秘製醬汁海鮮拼盤，再升級到2人套餐，包埋餐湯，沙律，甜品，飲品。- 蘑菇忌廉湯餐湯係蘑菇忌廉湯，口感豐富幼滑，可以配合蒜蓉包食。- 煙三文魚意大利黑醋沙律調味係黑醋，味道適中，有少少酸，不過好開胃，煙三文魚份量都多。- 手搖秘制醬汁海鮮拼盤最期待既主菜出場，果然冇令人失望。大大隻龍蝦係頂層，下面有大蝦，炭燒八爪魚，青口，大蜆，配菜有薯仔，粟米，份量夠曬2個人食。龍蝦肉質新鮮，多膏；青口，大蜆冇沙，脹卜卜，肉質肥美。最緊要係個秘制shake shake 醬汁，有蕃茄，香草做底味，好配合啲海鮮。- Cheese cake套餐甜品係cheese cake，芝士味好濃。- White & Red wine餐飲居然可以揀紅白酒，仲要唔使加錢。同朋友揀咗紅酒，白酒各一杯，試一試。感覺上，質素都唔錯，而白酒比較易入口。海鮮拼盤係必食推介，而且環境舒適，可以同朋友一邊傾談，一邊享受美食。