Video
Read full review
2010-08-04
62 views
最最最錫我既哥哥生日，當然要對佢好D啦，一早已經決心去Tony Wong訂個生日蛋糕，但諗唔定訂咩款，所以就決定直頭去店子睇下有咩款揀。去到要求訂蛋糕，店員有個menu俾我睇下有咩蛋糕揀，不過望左好耐都無咩心水，哥哥一向最鍾意朱古力，所以最後我都係揀左最穩陣 Chocolate Truffle Cake。可以揀訂一磅 or 3/4 磅，由於得 3 個人食，店員都suggest我揀 3/4 磅，所以最後就揀左個細D的。可以全數俾哂或者俾住 $ 100 訂金，當日去到都唔駛等，即刻有得拎，由於天氣實在太太太熱，店員都話D乾冰唔頂得好耐，叫我盡量於 45 MINS 內放返入雪櫃。吹完蠟燭有蛋糕食，個蛋糕表面仲有D好靚既朱古力裝飾，食落去朱古力味當然香濃，而且表面和內裡的MOUSSE幼滑，其實我覺得甜度OK，唔會甜到令人覺得好難頂，不過媽咪已經話頂唔順啦。同哥哥密密食，最鍾意佢有層脆脆餅底，食落令口感豐富好多，最緊要主角喜歡就得啦。係我訂蛋糕個日，我仲買左個MIXED BERRIES Napoleon同埋Hazelnut Chocolate Crunch Cake，兩件我都覺得好好味，前者吉士
去到要求訂蛋糕，店員有個menu俾我睇下有咩蛋糕揀，不過望左好耐都無咩心水，哥哥一向最鍾意朱古力，所以最後我都係揀左最穩陣 Chocolate Truffle Cake。可以揀訂一磅 or 3/4 磅，由於得 3 個人食，店員都suggest我揀 3/4 磅，所以最後就揀左個細D的。
可以全數俾哂或者俾住 $ 100 訂金，當日去到都唔駛等，即刻有得拎，由於天氣實在太太太熱，店員都話D乾冰唔頂得好耐，叫我盡量於 45 MINS 內放返入雪櫃。
吹完蠟燭有蛋糕食，個蛋糕表面仲有D好靚既朱古力裝飾，食落去朱古力味當然香濃，而且表面和內裡的MOUSSE幼滑，其實我覺得甜度OK，唔會甜到令人覺得好難頂，不過媽咪已經話頂唔順啦。同哥哥密密食，最鍾意佢有層脆脆餅底，食落令口感豐富好多，最緊要主角喜歡就得啦。
係我訂蛋糕個日，我仲買左個MIXED BERRIES Napoleon同埋Hazelnut Chocolate Crunch Cake，兩件我都覺得好好味，前者吉士夠滑餅身又夠脆，牛油味好香，雖然d berries 有d 都幾酸下。後者好鍾意佢既榛子味濃郁，又唔會搶左朱古力既味道，加上脆既餅底所以又係好食之作。
雖然佢好多時都有新出品，不過大部分對我黎講都係麻麻地吸引，所以我食黎食去都係個幾款，會繼續幫襯的。=)
Post
