Plato (Moved) New Location

朋友於國內工幹了一段時間，這陣子從上海返到香港，行逛完油麻地果欄，於彌敦道附近找找晚飯地點，朋友特別想吃西餐。這間位於油麻地的意大利餐廳是一個不錯的地方，位置於某老牌書局附近的橫街，既方便也容易找到的食店。大家都肚餓，前菜選擇了水牛城雞翼，蒜蓉炒雜菌，兩者都非常出色， 雞翼煮得好好味， 雜菌炒得好香口。是日餐湯忌廉南瓜湯，朋友選擇升級法式龍蝦湯，我試咗一啖，香濃蝦味， 值得加錢一試。鮮蘆筍拿破崙天使麵，pasta唔會太熟太淋，蕃茄好新鮮，熱辣辣上枱，味道好正宗。美國極黑豚肉眼扒配紅桑子汁~廚師把黑豚肉完全煎熟(豬肉不能有半點生吃)，熟的程度啱啱好，完全唔韌，個燒汁加咗紅桑子，非常美味，配合黑豚肉，好夾呢! 蛋糕有提拉米蘇，藍莓芝士蛋糕，朱古力雪糕慕士蛋糕，我選了美式芝士蛋糕，香濃芝士味，不算太甜，送咖啡一流。餐茶可選擇芒果草莓茶，酸酸地幫助消化。朱古力咖啡，樣子可愛，水準一般。 見仲有時間，叫咗杯紅酒，繼續傾下計......