HighFive (Closed)

終於又挨到Happy Friday, 當然要找間餐廳黎慰勞一下自己啦，辛苦得黎至在食呀。我一早已訂定了這餐廳和友人晚飯了，吃西餐當然要有前菜啦。呢個前菜賣相好簡單，中間一舊肉，側邊一堆醬，看似簡單。中間舊肉係parma ham切碎，側邊有洋蔥，感覺幾清新，合乎前菜要求，側邊有沙律醬及檸檬醬，作用當然係醒胃啦，前菜既作用就係咁簡單。餐湯係車厘茄湯，味道好清好清，完全將多餘物隔晒，淨返車厘茄既清香味，廚師既用心相信係前菜同湯都係以清淡為主，唔希望搶去主菜既味道。主菜來啦，係炭烤爐魚黎，首先佢既做法令魚皮微燶，但整片魚皮係烤脆左，一來口感夠脆口，二來將魚汁鎖起。呢條係海爐，所以肉質夠厚之餘都唔會鞋，淡淡肉都夠滑，而且魚汁係切既過程係不斷滲出黎，呢種正正係魚鮮味。配合擺係魚底既茄子同露筍，滲透晒魚汁係裡面，魚既鮮甜味道隨蔬菜流入胃，令整天疲累感消除。