Penthouse (Closed)

做咗成個星期嘢，嚟到星期五當然要去Happy吓。港島有蘭桂芳，九龍區嘅代表就有諾士佛臺！而呢間位於諾士佛臺1號嘅Penthouse，就由銅鑼灣分店後，首度進駐九龍區。啱晒我同成班九龍區兄弟上嚟飲吓嘢，睇波之餘仲有飯食！霹靂雞翼雞翼可以話係去都邊都係小食類嘅首選！6大隻雞翼炸到脆卜卜，外面夠晒香口，而入面就夠晒juicy。洋蔥湯用一個砵仔上嘅洋蔥湯，令冬天都唔容易流失溫度。上面放左塊芝士多士，令湯更加濃郁，而索晒湯嘅多士亦都特別好味！德國珍寶肉腸鐵板拼盤冬天食鐵板係最幸福嘅享受！上枱一刻仲滋滋聲，夠晒新鮮熱辣！珍寶肉腸拼盤有3款唔同嘅腸，有juicy嘅牛仔腸、爆漿嘅芝士腸、同香草味濃嘅昆布蘭腸。但無論咩口味，都好有咬口，肉味香濃！而另一驚喜係大量嘅薯條，薯仔味好豐富！Mermaid呢杯飲品係由Vodka, French Muscat Grapes, Lychee, Limes, Salt等調製，入口味道鹹鹹哋，又唔會蓋過荔枝味，有種好清新嘅感覺。