Hatsu Japanese Restaurant (Closed)

又到星期五，適逢有新同事黎，係時候出去食飯啦。由於今日既飯局安排比較急，所以我地都無去得遠，去左公司附近食就算。打電話留枱，等左十分鐘就安排好入座。午餐定食款式都幾多，每款都會有自助沙律吧、麵豉湯、蒸蛋再加熱咖啡。坐低之後我地即刻去攞沙律食醒一醒胃，睇落所提供既沙律平平無奇既，但係沙律dressing 出奇地好味，我試左佢地既自家制沙律醬，味道頗豐富，有蛋香亦有黑椒既味道。主菜叫左軟殼蟹天婦羅配日式牛扒定食。兩樣食品不過不失，天婦羅份量較少，但食落唔會成口粉漿，幾香口。日式牛扒有啲唔夠熱，醬汁味道可接受，但係牛扒質素及烹調一般。其他麵豉湯蒸蛋咖啡都係大路野，沒有亮點。總結：性價比不高，價錢係$179加一，呢個價錢可以有更多更好既選擇。