Video
Read full review
2017-09-09
987 views
禮拜五晚最岩約晒一大班friends出去食飯飲野 成日經過呢間餐廳 門面裝修不錯 鋪位夠大 又有情調 所以決定試下我地7點去到 可能係Friday Night 都幾多人 好彩前一日book左位 我地坐一張六人枱有少少迫 不過勝在環境唔錯 座位後面又有cusion 坐得好舒服我地六個女仔嗌左一個薄餅 三種pasta 一樣小食 兩款甜品 每人要杯酒Happy Hour下 冇期望過咁好食!Jaspas Special Pizza ($ 155)個薄餅不過不失 反而Pizza Hut整得仲好味 中間啲料黎黎去去都係火腿 腸仔 菇同芝士 照計係冇死 但係呢個薄餅既餅底好硬 已經係薄派用刀都好難切 咬落去唔鬆軟 好一般Spaghetti Alio-Olio ($ 145)香蒜白酒意粉好好味 意粉煮得煙韌 唔會太淋唔會太硬 好有口感 橄欖油均勻鋪係每一條意粉 每一啖都洋溢住香濃既白酒味 但價錢略貴 可一試Old Fashioned Mac and Cheese ($ 125)又係另一個冇得輸既組合 我係超級芝士控 食完呢個好好好滿足 好濃郁既芝士醬包住每一粒通心粉 食落去好creamy 鋪面既芝士絲
我地7點去到 可能係Friday Night 都幾多人 好彩前一日book左位 我地坐一張六人枱有少少迫 不過勝在環境唔錯 座位後面又有cusion 坐得好舒服
我地六個女仔嗌左一個薄餅 三種pasta 一樣小食 兩款甜品 每人要杯酒Happy Hour下 冇期望過咁好食!
精選薄餅 Jaspas Special Pizza
$155
42 views
0 likes
0 comments
個薄餅不過不失 反而Pizza Hut整得仲好味 中間啲料黎黎去去都係火腿 腸仔 菇同芝士 照計係冇死 但係呢個薄餅既餅底好硬 已經係薄派用刀都好難切 咬落去唔鬆軟 好一般
香蒜白酒意粉 Spaghetti Alio-Olio
$145
39 views
0 likes
0 comments
香蒜白酒意粉好好味 意粉煮得煙韌 唔會太淋唔會太硬 好有口感 橄欖油均勻鋪係每一條意粉 每一啖都洋溢住香濃既白酒味 但價錢略貴 可一試
傳統芝士通心粉 Old Fashioned Mac and Cheese
$125
49 views
0 likes
0 comments
又係另一個冇得輸既組合 我係超級芝士控 食完呢個好好好滿足 好濃郁既芝士醬包住每一粒通心粉 食落去好creamy 鋪面既芝士絲鹹香十足 中和返芝士醬既奶油味 一黎冇咁漏 二黎令成個pasta有返啲層次
Mushroom and Chicken Risotto ($ 155)
因為太心急想食 所以唔記得影相 呢個risotto賣相一般 但係食落去質感不錯 粒粒米都煙韌 煮得岩岩好 配埋軟身既蘑菇同雞肉一齊食 前者creamy後者juicy 值得一試
Butterfly Prawn Cutlets ($ 145)
又唔記得影相 不過呢樣小食為全餐最唔抵食又最唔好味賣相麻麻 炸蝦外皮太深色 唔係想像中帶金黃 所以質感好差並不感意外 應該炸得太耐 外皮欠鬆化 而且麵包糠太厚 同蝦既大細唔平均 食落係冇蝦味 價錢又貴到唔合理 唔建議試
甜品係超級驚喜！ 首先個size不得了 黎到個個都呆左 有約一部Iphone6S咁長 有隔離個玻璃杯四分三咁高 配埋個雲哩拿雪糕 上面有紅莓醬 又有紅莓藍莓粒 賣相蠃左 而且大大件 真係好抵食！
焦糖香蕉蛋糕 Banoffee Cake
$78
25 views
0 likes
0 comments
睇食評話推呢個cake 我就鍾意另一款多啲 面個層係cream 中間係新鮮香蕉 最底係焦糖餅底 雖然望落去好多cream 但係唔漏 又唔會太甜 三層一齊食好夾 不過個餅底太硬 要好大力拮先切得開 所以最後食淨3/4個餅底
特色麥提莎芝士餅 Jaspas Malteser Cheesecake
$78
38 views
1 likes
0 comments
呢個極推！好正！質感類似海綿蛋糕 但係濕潤啲 實正得黎唔會輕飄飄又唔會太實 岩岩好麥提莎味唔係好出 不過有淡淡朱古力 餅底鬆化 比起前一個做得出式好多 回味無窮
Mai Tai & Aperol Spritzer
$50
31 views
0 likes
0 comments
嗌左4款野飲 不過呢兩款特別啲
黃色個杯係Mai Tai 好有層次 飲第一啖 菠蘿汁好出 之後有酒味慢慢滲出黎 落到喉嚨就有一浸杏仁味湧上黎 我本身麻麻地杏仁味 不過都接受到 飲飲下仲覺得幾好飲
橙色個杯係Aperol Spritzer 一句適晒 係芬達橙汁mix Vodka 酒味好重 冇飲開酒唔試好啲
最後要讚一讚侍應既服務態度 個個笑容可掬 上菜又好有效率 而且環境好正 適合一大班人飲野暢談
Post
