FRITES Belgium on Tap (Moved) New Location

今日又過左黎中環食lunch，朋友揀左依間西餐黎食，都好耐無黎依度。因為依度都幾多位，中午黎唔使book位都有位。 睇下佢既menu，今日就有五個lunch set，除左set 外當然仲可以單點。因為都想食牛扒，咁就唔使諗其他，一如就揀依個set，238元加一。 頭盤有沙律，有三塊炸芝士，好香口，加埋D 菜食感覺無咁熱氣。 食完頭盤之後就到主菜，牛扒我點左medium，塊扒都幾大塊，仲有件牛油係面，咁我就趁熱將牛油搽哂落塊牛扒度，感覺好邪惡。塊扒都唔錯，都好有牛味，熟既程度岩岩好。除左牛之後，仲有薯條同沙律菜伴碟。食左咁大塊肉同埋薯條，食反D 菜平衡下都好。 最後包埋杯飲品，我揀左咖啡，依度咖啡味濃，食飽飲杯下午開工都無咁眼訓。