Video
Read full review
2020-03-04
53 views
為左防疫，上個月大部份時間都留屋企，唔會周圍去。呢段時間終於好轉返少少，就約左朋友放工去尖沙咀happy hour。呢間bar係尖沙咀，地點好就腳，一程巴士就到，夠曬方便。黎到bar當然要飲下啤酒，我地叫左2杯Stella，happy hour時段飲好抵飲，2杯都係一百蚊左右。而且仲有蝦片送，用黎一邊傾計，一邊飲啤酒好正。另外，我地叫左2個小食送酒。首先係蜜糖燒雞翼，我次次黎都必食，燒得好香口，甜甜地但又唔會過火，仲有肉汁，好好味。另一款小食，我地叫左椒鹽脆炸花枝丸，外脆入面q彈，配埋泰式辣醬，幾惹味。主食方面，我地就叫左青口意粉鮮蜆蕃茄汁意粉，青口同蜆都新鮮，而且都好多下，估唔到幾足料，因為一般去bar食野都唔會期待份量，但出奇地都食得好飽。埋單2個人都唔洗300，好抵玩抵食，所以通常諗唔到去邊間bar，我就會同frd去呢度。值得一讚既係，佢地防疫做得好好，會探熱同提供面紙比我地保存口罩，飲得好放心。
呢間bar係尖沙咀，地點好就腳，一程巴士就到，夠曬方便。
黎到bar當然要飲下啤酒，我地叫左2杯Stella，happy hour時段飲好抵飲，2杯都係一百蚊左右。而且仲有蝦片送，用黎一邊傾計，一邊飲啤酒好正。
另外，我地叫左2個小食送酒。首先係蜜糖燒雞翼，我次次黎都必食，燒得好香口，甜甜地但又唔會過火，仲有肉汁，好好味。
另一款小食，我地叫左椒鹽脆炸花枝丸，外脆入面q彈，配埋泰式辣醬，幾惹味。
主食方面，我地就叫左青口意粉鮮蜆蕃茄汁意粉，青口同蜆都新鮮，而且都好多下，估唔到幾足料，因為一般去bar食野都唔會期待份量，但出奇地都食得好飽。
埋單2個人都唔洗300，好抵玩抵食，所以通常諗唔到去邊間bar，我就會同frd去呢度。值得一讚既係，佢地防疫做得好好，會探熱同提供面紙比我地保存口罩，飲得好放心。
Post
