Video
Read full review
2016-09-24
520 views
3個女人一個墟，但係原來……再加多個男人係多1個墟~今晚我地幾個唔同Department嘅舊同事一齊出嚟聚會，我地今次揀咗間喺內街嘅酒吧式餐廳雞翼拼盤 - 有3款雞翼，有炸雞翼、蜜糖雞翼、黑椒雞翼，我個人覺得黑椒雞翼比較好味，蜜糖都唔差，所有雞翼都非常juice，yum~~夏威夷Pizza - Pizza我最鍾意就係超薄批底，因為太厚嘅批底係唔好食，太厚批底會好快飽，同埋根本食唔到批上面材料嘅本味，所以都係薄批最好，而食pizza最穩陣……一定係食夏威夷，雖然材料平平無奇，但係佢所有材料都係配合得好好凱撒沙律 - 食凱撒沙律，我最鍾腸重一定係佢啲麵包粒，另外呢個凱撒汁完全沾滿晒所有沙律菜，非常好味吞拿魚沙律焗薯皮 - 呢個薯皮真係好食到無朋友，焗得啱啱好，個薯皮非常脆口，另外吞拿魚用滿滿嘅沙律醬拌勻，所以唔會因為焗過就乾咗，重係好juice，薯皮重有醬汁可以沾架，就係酸忌廉喇~~黑豚肉漢堡 - 嘩，塊豚肉大到呢……眼都突埋……長過個包，個豚肉好爽脆，又淋，一啲都唔韌，個漢堡有件菠蘿，菠蘿上面有個好特別嘅醬汁，竟然係菠蘿蓉，佢加埋個煎過嘅菠蘿，同塊黑豚肉味道好夾~~Big JJ漢堡 -
今晚我地幾個唔同Department嘅舊同事一齊出嚟聚會，我地今次揀咗間喺內街嘅酒吧式餐廳
雞翼拼盤 - 有3款雞翼，有炸雞翼、蜜糖雞翼、黑椒雞翼，我個人覺得黑椒雞翼比較好味，蜜糖都唔差，所有雞翼都非常juice，yum~~
夏威夷Pizza - Pizza我最鍾意就係超薄批底，因為太厚嘅批底係唔好食，太厚批底會好快飽，同埋根本食唔到批上面材料嘅本味，所以都係薄批最好，而食pizza最穩陣……一定係食夏威夷，雖然材料平平無奇，但係佢所有材料都係配合得好好
凱撒沙律 - 食凱撒沙律，我最鍾腸重一定係佢啲麵包粒，另外呢個凱撒汁完全沾滿晒所有沙律菜，非常好味
吞拿魚沙律焗薯皮 - 呢個薯皮真係好食到無朋友，焗得啱啱好，個薯皮非常脆口，另外吞拿魚用滿滿嘅沙律醬拌勻，所以唔會因為焗過就乾咗，重係好juice，薯皮重有醬汁可以沾架，就係酸忌廉喇~~
黑豚肉漢堡 - 嘩，塊豚肉大到呢……眼都突埋……長過個包，個豚肉好爽脆，又淋，一啲都唔韌，個漢堡有件菠蘿，菠蘿上面有個好特別嘅醬汁，竟然係菠蘿蓉，佢加埋個煎過嘅菠蘿，同塊黑豚肉味道好夾~~
Big JJ漢堡 - 呀……呢個Big JJ，佢塊漢堡淋到非一般，我好耐都無食過呢啲手造漢堡煎完都唔實，重好淋好Juice，加埋塊芝士簡直一絕，其實真係好味到我好難用文字去形容，如果你有幸去食呢間餐廳，Big JJ絕對係我推介
Other Info. :
呢間其實係一間酒吧嚟，餐廳後面係有啲酒吧遊戲玩，就係我一直都好想玩嘅Beer Pong，本來店員叫我地試下……但係……呢個桌戲嘅規則係，輸嘅一方，除咗要飲晒啲酒之外……重要輸埋呢round酒錢……所以……我地都係下次先試喇XDXD
(The above review is the personal opinion of a user which does not represent OpenRice's point of view.)
Post
