Nara Thai Restaurant & Bar

Open Now

Now Closed

尖東酒吧s係我哋經常出現嘅地方，貪佢哋夠平，通常Happy hour到9點，生啤買一送一，兩杯必須同款，如2人入座淨飲酒的話，必須每人order一set，即total 4杯，堅抵到爛不過如果撞正世界盃或者強隊聯賽之類，Happy hour就會提早結束或者直頭取消。尖東噴泉附近有好幾間酒吧，如果我哋要食埋晚飯，多數會選擇Nara，因為食物質素良好，多選擇又抵食唯一缺憾…侍應態度差，十問九唔應，想搵人落單但叫極都無人應，落咗單都會有漏單或寫錯檯號嘅情況出現，試過有一次weekend仲話因為唔夠杯，叫咗啤酒要等半粒鐘先到有待改進。餐廳大部分位置處於室外，夏天熱冬天凍但好處係夠通風，唔似得一般酒吧焗住成陣煙味。如果怕熱/怕凍/怕煙味嘅朋友，可以選擇坐室內，但位置唔多，建議預先訂位，免得到場無晒室內位置。