Fjaka (Closed)

今日約朋友一齊嚟食飯飲嘢，搵到呢間有室外嘅餐廳，不過咁啱好大風就選擇咗坐indoor。主要飲嘢嘅地方來講食物選擇都幾多，8點前落單嘅話部分飲品仲有happy hour添，買一送一！海膽吐司，一客有5件，每件面頭都有少少海膽同魚子醬，吐司會有少少沙律醬，作為頭盤都幾refreshing~香芋脆片伴牛油果醬，香芋脆片好大片，但略嫌有啲多油～香烤澳洲M5和牛, 300g，呢個幾有驚喜！原本以為係呢啲飲嘢地方食嘅扒都係正正常常，冇乜特別，唔會太大期望，但呢件出奇地幾重牛味，唔會好韌好乾，仲預先切好一件件，方便進食！多款house wine 8點前買一送一，正！