B&L

Open Now

Now Closed

早幾日同事話不如搵日去happy hour，跟住我哋話擇日不如撞日，就不如今日啦。跟住我哋4:00就出發去happy hour。會展對出其實有好多酒吧都好優惠，我哋見到佢呢一間一杯都係45蚊，跟住就話入去試吓啦。職員話如果坐入邊就要叫嘢食，如果坐出邊就可以齋飲嘢。大佬，大熱天使真係頂唔順，所以我哋揀咗坐入邊，叫咗啲小食。叫咗薯條$58 ，上嚟熱辣辣，上邊仲有一啲好似熱浪味嘅粉，飲酒啱啱好。另外嗌咗份雞翼$88 ，我覺得炸得有少少燶，但係其實都OK嘅，配埋泰式辣醬very good仲嗌咗份牛肉墨西哥片$108，呢個值得一讚，勁多醬，有牛油果有莎莎醬，成件事都好好食。飲吓嘢，嗰晚連晚飯都唔使食！